Euri kontuak berriro: giro goibela eta tenperatura maximoak behera
Kostaldetik gertu sarriago egingo du euria, baina egunak aurrera egin ahala euria ia denera zabalduko da. Tenperatura maximoak 15 graduren bueltan geldituko dira ipar partean eta barnealdean, berriz, 12 eta 14 ºC artekoak izango dira. Gainera, ipar-mendebaldeko haizeak hotz sentsazioa areagotuko du.
Giro grisa eta euritsua Getxon. Artxiboko argazkia: Juan Luis Albaizar Buisan
Udaberri betean, udazken kutsua hartuko du gaurkoan ere eguraldiak. Euria egingo du, eta, oro har, giro grisa nagusituko da.
Euskalmetek egindako iragarpenaren arabera, gaurkoa egun umela eta euritsua izango da, batez ere, kostaldetik gertu. Bertan, euria sarriago egingo du. Egunak aurrera egin ahala, euria barnealdera zabalduko da, baina ordu askotan ateri eutsiko dio eta ostarte batzuk ere zabalduko dira bertan.
Tenperaturak jaitsi egingo dira eta maximoak 12 eta 15 gradu artekoak izango dira.
Ostiralean euria barra-barra egingo du, batez ere egunaren lehenengo zatian eta ipar partean. Arratsaldetik aurrera atertzera egingo du, bereziki barnealdean, eta bertan ostarte batzuk ere zabal daitezke. Tenperaturetan ez da aldaketa handirik espero, eta ipar-mendebaldeko haizea indartsu ibiliko da.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Eguraldi ezegonkorrak jarraituko du eta arratsaldean ekaitz-giroa izango da, Nafarroan eta Iparraldean batez ere
Egunak aurrera egin ahala hodeiak ugaritzen joango dira eta trumoi-zaparradak izango dira nonahi. Nafarroa erdialde eta hegoaldean eta Ipar Euskal Herrian abisu horia egongo da indarrean arratsaldean.
Euri erauntsi izugarria, Atarrabian
Euri erauntsi izugarria bota du, gaur arratsaldean, Atarrabian. Ordu erdiz, euria eta txingorra gogotik bota ditu, kaleren bat erreka bihurtzeraino. Halere, ekaitzak ez du aparteko kalterik eragin. Atertu eta eguzkia agertzearekin batera, ura Ultzama ibaira bideratu da, eta zorua berehala lehortu da.
Ilargiaren itzala Lurraren gainazalean grabatuko dute eguzki-eklipsearen egunean
Abuztuaren 12an, eguzki eklipse osoaz gozatzeko aukera izango dugun egunean, hainbat zunda-globo botako dira estratosferatik eklipsearen irudiak lortzeko asmoz.
Petral dator eguraldia, zerua beltz eta tenperatura fresko
Astelehen arratsaldetik aurrera, ezegonkortasuna nagusituko da. Euria egingo du aste osoan, eta tenperaturak nabarmen jaitsiko dira. Ostegun eta ostiralean, maximoak 13-14 gradu ingurukoak izango dira.
Abisu horia arratsalderako euriagatik, bereziki Araban, Gipuzkoan eta Nafarroan
Euskalmetek eta Aemetek abisu horiak aktibatuko dituzte arratsaldean euri eta ekaitzengatik. Kazkabarra ere egin dezake, eta haize bolada oso gogorrak izango dira.
Ekaitz fronte batek mendebaldetik ekialdera zeharkatu du Euskal Herria indar handiz
Ekaitz fronte batek zeharkatu du Euskal Herria arratsaldean, eta euri zaparradak bota ditu. Euskalmeten erregistroen arabera, metro koadroko 23,8 litro egin ditu 10 minutuan tokiren batean. Mendebaldean sortu da, eta, ondoren, lurralde osoa zeharkatu du, oso indartsu.
Zer da eguzkia?
Egunero ikusten dugu zeruko zirkulu perfektu bat bezala, baina eguzkia dirudiena baino askoz konplexuagoa da. Galileok ikusitako orbanetatik hasi eta horren barrua astintzen duten asalduretaraino, gure izarraren fisikan murgilduko gara Teresa del Rio adituaren eskutik.
Abisu horia gaur arratsalderako Euskal Herrian, euriagatik
Euriarekin batera, ekaitzak jo eta txingorra ere egin dezake.
Abisu horia ezarri dute arratsalderako euriagatik: 15 litro bota ditzake ordubetean
Euriarekin batera, txingorra eta haize-ufada gogorrak ere izango dira.