Google News itxi dute dagoeneko Espainiako Estatuan
Google News Españak bere zerbitzua eten du gaur goizaldean eta Espainiako Estatuko argitalpenak ez dira hemendik aurrera bilatzailearen emaitzetan agertuko. 2015ean indarrean jarriko den Jabetza Intelektualaren Lege berriaren ondorioz hartu du erabakia konpainia estatubatuarrak, albisteak sareratzen dituzten webguneek hedabideei ordaindu egin beharko dietela aurreikusten baitu. Espainiako Estatua da, horrela, Google Newsen zerbitzurik gabe geratu den lehenengoa.
Googlek Interneten zabaldutako mezu batean adierazi duenez, ez zuen zerbitzua eten nahi, eta ulertzen du erabiltzaileen "atsekabea", baina "informazioaren sektorearekin elkarlanean" jarraitzeko "konpromisoari" eutsi dio.
Aurreko astean eman zuen erabakiaren berri Richard Gingras Google Newsen zuzendariak. Hark azaldu zuenez, Google Newsek ez du dirurik irabazten, eta, hori dela eta, agertoki berria "eutsiezina" da enpresarentzat. Gainera, zerbitzu horrek hedabideei mesede egiten diela adierazi zuen.
Jose Ignacio Wert ministro espainiarrak kritikatu du Googlek azkarregi jokatu duela, oraindik negoziatzeko dagoelako albisteak sareratzen dituzten webguneen eta hedabideen arteko ordaina zenbatekoa izan behar den.
Ez die euskarazko albisteei eragingo
Bestalde, aipatu behar da konpainia estatubatuarraren erabakiak ez diela euskaraz idatzitako edukiei eragingo, lehen ere ez baitziren bilaketen emaitzetan agertzen.
Zure interesekoa izan daiteke
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.