Kanpamentu teknologikoak hitzaldiak emango ditu Euskal Encounterrean
Kanpamentu teknologikoak doako ikastaroak eta hitzaldiak antolatu ditu larunbat eta igande honetan, Barakaldoko BEC erakustazokan. Jarduera horiek, uztailaren 22tik 25era izango den Euskal Encounterraren parte izango dira.
Lehenengo hitzaldia uztailaren 23an izango da, 12:00etatik 13:45era, eta filmen ikus-entzunezko esperientzia hobetzea helburu duen Ambilight deitutako teknologiaren nondik norakoak azalduko dituzte. Bigarren hitzaldia, ordea, igandean antolatu dute, 12:45etatik 14:45era, eta errealitate areagotuari buruz izango da. Bertaratzen diren pertsona guztiek, Unity izeneko teknologia erabiliz sortzen diren inguru birtualak ikusi ahal izango dituzte, edota HTC Viveren inguruko xehetasunak ezagutzeko aukera izango dute.
Gainera, kanpamentu teknologikoak bi ikastaro ezberdin antolatu ditu, 13 urtetik beherako umeei zuzenduta daudenak.
Larunbat goizean, LED motatako argi sareak programatzen erakutsiko diete bertaratutakoei. Bigarren ikastaroa igande goizean izango da, eta microbit ordenagailu txikiaren ezaugarri nagusiak azalduko dituzte.
Uztailaren 23an eta 24an izango diren ikastaro edota hitzaldi hauetan parte hartu nahi dutenek, Kanpamentu teknologikoaren web orrialde ofizialean eman beharko dute izena, toki mugatua baitago. Halaber, egun bakarreko sarrera eskuratzen dutenek, ekitaldi horretara joateko aukera izango dute bakarrik: ezin izango dira Euskal Encounterraren aretoan sartu eta ez dute WiFi pasahitza izango, antolatzaileek esan dutenez.
Kanpamentu teknologikoaren helburua gazteengan zientziarekiko, teknologiarekiko, ingeniaritzarekiko eta matematikekiko duten interesa piztea eta sustatzea da.
a sustatzea da. a sustatzea da.Zure interesekoa izan daiteke
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.