Googlek betoa, Huaweiri: Bere sakelakoak, Androiden aplikazio eta eguneratzerik gabe
Googlek bertan behera utzi ditu Huawei konpainia txinatarrarekin zituen negozioen parte bat, hardwareari eta softwareari lotutako transferentzia behar dutenak, hain zuzen ere, Reuters albiste agentziak zabaldutako informazioaren arabera. Donald Trump AEBko presidenteak konpainia txinatarra "zerrenda beltzean" sartu eta hiru egunera etorri da Googleren erabakia.
Betoak Huaweiren sakelakoa edo tableta duten erabiltzaileei eragingo die zuzenean; izan ere, ezingo dituzte Googleren aplikazioak (Gmail, YouTube, Google Maps...) eguneratu. Horrez gain, oraindik merkaturatu ez diren gailuek ezingo dute Android sistema operatiboa erabili, ezta Google Play Store bezalako zerbitzuak edota Gmail edo YouTube aplikazioak ere. Konpainia txinatarrak kode irekiko lizentzia duen Android bertsioa baino ezingo du erabili.
"Huaweik Androiden bertsio publikoa erabili ahalko du bakarrik, eta debekatuta izango ditu Googleren aplikazio eta zerbitzuak", azaldu dio konpainiak Reutersi.
Telefono adimendunen munduko bigarren fabrikatzailea da Huawei (Samsung da liderra; Apple, hirugarrena). Espainiako Estatuan, baina, marka horretakoak dira gehien saltzen diren sakelakoak.
Betoak bere negozioan izango dituen ondorioak aztertzen ari da jada Huawei. Shenzhengo konpainiak urteak daramatza sistema eragile propioa garatzen.
Googlek ez ezik, AEBko prozesadore ekoizle nagusiek (Intel, Qualcomm, Xilinx eta Broadcom) ere, betoa jarri diote Huaweiri. Intel konpainia txinatarraren prozesadore hornitzaile nagusia da, Qualcommek prozesadoreak eta modemak ekoizten ditu Huaweirentzat, Xilinxek txip programagarriak egiten ditu, eta Broadcomek, kommutazio txipak.
Huaweiren standa, Hannover hiriko azoka teknologikoan. Argazkia: EFE
Trumpen gerra komertziala
Donald Trumpen gobernuak larrialdi nazionala ezarri zuen asteazkenean AEBko telekomunikazio sareak babesteko. Agindu exekutibo baten bitartez Merkataritza idazkariari eskuduntzak eman zizkion atzerriko konpainiei betoa jartzeko. Aginduak ez zuen Huawei aipatzen, baina jakina zen jomugan izango zela. Handik egun batzuetara baieztatu zen mehatxua: Merkataritza Departamentuak Huawei sartu zuen "zerrenda beltzean".
"Zerrenda honetan dauden konpainia eta pertsonek lizentzia beharko dute AEBko teknologia eskura izateko. Lizentzia hori bertan behera geratuko da, AEBen segurtasun nazionala edo interesak arriskuan daudela frogatzen bada", azaldu zuen Departamentuak.
Arlo teknologikoan ez ezik, beste eremu batzuetan ere Txinaren kontrako gerra komertziala du abian Trumpek. Muga-zergak ezarri dizkio hainbat produkturi. Txinak ere antzeko neurriekin erantzun du.
5Garen norgehiagoka
Eremu teknologikoan 5G teknologiaren hedapena bihurtu da gudu zelai nagusia. Teknologia horri esker, 4Garekin baino 20 aldiz azkarrago nabigatu ahalko dugu, ibilgailu autonomoen garatzea azkartuko da eta ebakuntzak urruneko kontrolarekin egin ahalko dira
AEBen ustez, teknologia hori espioitzarako erabiltzen ari da Huawei. Pentagonoan, esaterako, erabat debekatuta dituzte marka horretako gailuak. Konpainia txinatarrak gezurtatu egin ditu akusazioak, eta salaketak helburu ekonomikoak baino ez dituela nabarmendu du.
AEBtik kanpora ere presio egiten ari da Trump, Europar Batasunari betoa ezartzeko eskatu dio behin baino gehiagotan. Izan ere, 5G konektibitatean munduko liderra da Huawei.
Zure interesekoa izan daiteke
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.