Konfinamenduan zibersegurtasuna bermatzeko aholkuak
Eusko Jaurlaritzaren Segurtasun Sailak aholku sorta bat egin du zibersegurtasun baldintza minimo batzuk bermatzeko, "COVID-19aren zabalkundeari aurre egiteko ezarritako konfinamenduan Interneten erabilera biderkatu den honetan".
Europolen izenean zabaldutako aholkuek Euskal Herri osorako balio dute, eta telelanarekin, on-line erosketekin, gailuen mantenuarekin edo mezu susmagarrien aurreko portaerarekin dute zerikusia, segurtasuna eta pribatutasuna zaintzeko helburuarekin.
Hala, etxeko segurtasunari begira, routerrean lehenetsita zetorren pasahitza aldatzea, aplikazioen baimenak berrikustea eta erabiltzen ez direnak ezabatzea, segurtasun kopiak eta eguneraketak egitea, pasahitz (PIN edo informazio biometrikoa) desberdinak erabiltzea, antibirusa instalatzea eta pribatutasuna berrikustea aholkatzen dute.
Online erosketen harira, segurtasun gomendioak saltzaileen fideragarritasunean, kreditu txartelen erabileran eta bankuko kontuak gainbegiratzean zentratzen dira.
Esan gabe doa ez direla mezu susmagarriak ireki behar, datu pertsonalak zabaldu behar, fidagarriak ez diren albisteak partekatu behar, etab.
Haurrak dira sarean zaurgarrienetakoak, eta horiei begira, jostailu adimendunen segurtasuna (pasahitzak, pribatutasuna…) berrikustea, guraso-kontrola erabiltzea, eta haurrei zibersegurtasunaz hitz egitea eta haiei entzutea aholkatu dute.
Telelana
Enpresen harira, telelanerako prozedura argiak jartzea eta lehen aldiz erabili aurretik baino lehenago probak egitea konseilatzen dute.
Urruneko sarbidea da telelanaren oinarrietako bat, eta enpresaren sare korporatibora konektatzeko VPN bidez egitea aholkatu dute, eta autentifikazio-faktore anizkoitza ezartzea, automatikoki iraungitzen dena.
Sistema guztiak gaurkotuta izatea, segurtasuna indartzea, langileak gaiaren inguruan sentsibilizatzea eta barne komunikazioa bermatzea ere jasotzen du Europolen txostenak.
Etxetik lan egin behar duten langileentzat gomendagarriena enpresek emandako gailuak erabiltzea da, eta posible ez denean, gailu pertsonala gaurkotuta egotea eta antibirusa izatea.
Era berean, garrantzitsua da etxean bizi diren gainerako senide edo pertsonek lanerako gailurako sarbiderik ez izatea.
Segurtasun Sailetik gogorarazi dute ziberdelituren baten biktima izanez gero Ertzaintzari deitu behar zaiola, eta bestela, Foruzaingoari edo jendarmeriari.
Albiste gehiago teknologia
"Arazo teknikoek" zapuztu dute Mark Zuckerbergen betaurreko adimendunen aurkezpena
Mark Zuckerberg Metako zuzendari exekutiboak aurkeztu ditu Meta Ray-Ban Display betaurreko adimendunak. Aurkezpen ekitaldian, erreminta berriaren akatsak izan dira protagonista. Zuckerbergek, lotsatuta, wifi konexioari egotzi dizkio betaurreko adimendun berrien akatsak.
TikToken algoritmoa salmentaren gako, AEB eta Txinaren arteko negoziazioetan
Aste honetan Madrilen merkataritza negoziazioen laugarren erronda egin ondoren, bi potentziek "akordio esparru" bat lortu zuten TikToken inguruan. Gomendioen motorra nork kontrolatzen, mantentzen eta eguneratzen duen zehaztea da puntu erabakigarria, hori baita TikTokek Estatu Batuetan duen arrakastaren (150 milioi erabiltzaile) gakoetako bat.
Urriaren 15ean inauguratuko dute Europako superordenagailu kuantiko indartsuena, Donostian
Hasiera batean aurreikusita zegoen Ikerbasqueren Donostiako campusak IBMren Quantum System One bat hartzea, baina akordioa eguneratu ondoren System Two bat izango dute, multinazional teknologikoaren "harribitxia", hain zuzen ere.
Robotak, korrikan, futbolean eta talkaka Txinako roboten olinpiadetan
Txinak giza itxurako Roboten Munduko Jokoak inauguratu ditu. Hiru egunetan zehar, adimen artifizialean eta robotikan egindako aurrerapenak erakutsi nahi ditu, 16 herrialdetako 280 talderen parte-hartzearekin. Atletismoan eta mahai-tenisean lehiatzeaz gain, beste erronka batzuk ere izango dituzte, sendagaiak sailkatu, materialak manipulatu eta garbiketa-lanak ere egin beharko baitituzte.
BEC ordenagailuz eta informatikazale amorratuz beteko da berriro uztailaren 24tik 27ra
Estatuko 'lan party' handienak eta Europako garrantzitsuenetako batek 4.000 ordenagailu eta dozenaka stand hartuko ditu, eta teknologia berriak, berrikuntza eta kultura digitala maite dituzten 5.000 pertsona bilduko ditu lau egunez.
Linda Yaccarino X enpresako zuzendariak dimisioa eman du, bi urtez Elon Musken konpainiaren buru izan ondoren
Yaccarinok alde egiteko erabakia iragarri du arrazoirik eman gabe, eta aditzera eman du ez dagoela inolako desadostasunik Elon Muskekin. Are gehiago, "izugarri eskertuta" dagoela erantsi du.
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.