WhatsApp bidezko mezu eta deiek pribatuak izaten jarraituko dute eguneratu ondoren
WhatsAppek ziurtatu duenez, bere pribatutasun politikaren aldaketek ez dute eraginik erabiltzaileek plataforma horren bidez egiten dituzten mezu eta deien pribatutasunean, elkarrizketak muturretik muturrera enkriptatuta babesten baititu.
Eguneraketa berriaren aldaketak —otsailaren 8an sartuko da indarrean eta erabiltzaile guztiek onartu beharko dute aplikazioa erabiltzen jarraitzeko— WhatsAppek erabiltzaileengandik jasotzen dituen datuei eta horien tratamenduari buruzkoak dira. Eguneratzeak aldatu egiten du, halaber, negozioek Facebooken ostatatutako zerbitzuak erabiltzeko modua, WhatsAppeko txatak gordetzeko eta administratzeko.
Konpainiaren arabera, politika berriek ez dute aldaketa materialik eragingo datuak prozesatzeko moduan Europar Batasuneko erabiltzaileentzat, eta aplikazioak ez ditu erabiltzaile horien datuak Facebookekin partekatzen enpresa nagusiak bere produktuak eta iragarkiak hobetu ditzan.
Hala ere, WhatsApp Facebook konpainiak eskuratu zuen, eta politiketan izandako aldaketak eta mezularitza zerbitzua erabiltzen jarraitu ahal izateko onartu behar izanak erabiltzaile asko kezkatu ditu, konpainiak elkarrizketa horien edukia eskuragarri duela edo izango duela uste baitute.
WhatsAppek gezurtatu egin du informazio hori eta "% 100 argi" utzi nahi izan du mezuen pribatutasuna babesten jarraitzen duela muturretik muturrera enkriptatuta. Twitter sareko bere profilean duen infografia batean azaldu duenez, horrek esan nahi du WhatsAppek eta Facebookek ezin dituztela mezu pribatuak ikusi, ezta deiak entzun ere.
Plataformak ez du erregistratzen erabiltzaileak nori idazten edo deitzen dion, eta ezin du kokapen partekaturik ikusi. Gainera, ez ditu kontaktuak Facebookekin partekatzen eta taldeak ere pribatuak direla ziurtatu du.
Beraz, pribatutasun politika eguneratzeak "ez dio lagunekin edo senideekin partekatzen diren mezuen pribatutasunari eragiten", berretsi du konpainiak.
Halaber, WhatsAppek erabiltzaileei gogorarazi die tenporizadore bat ezar dezaketela mezuak automatikoki ezabatzeko.
Zure interesekoa izan daiteke
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.