Sare sozialen erabilera arduratsua sustatzeko kanpaina jarri du martxan Zibersegurtasun Euskal Zentroak
Zibersegurtasunari buruzko kontzientziazioa eta sentsibilizazioa sustatzeko kanpaina jarri du martxan Zibersegurtasunaren Euskal Zentroak (BCSC). Pantallas Amigas eta Twitter erakundearen babesa izango du, zeharkako partaide eta ekintzaren kanal nagusi gisa. Gainera, Hirukide bezalako euskal eragile eta erakundeen parte-hartzea izango du.
BCSCren ustez, haurrak, nerabeak eta haien familiak trebetasun digitaletan eta zibersegurtasunean gaitzea funtsezkoa da Interneten modu aktiboan parte hartzeko aukera emango dieten gaitasunak garatu ahal izateko.
Herritarrak kontzientziatzeko lanaren barruan, nabarmendu dute beharrezkoa dela adingabeei gaur egun Interneten eta teknologia konektatu berrien esparruan ikus daitezkeen arrisku ohikoenak prebenitzen, identifikatzen eta horiei aurre egiten irakastea.
Hala, "Ziberrean, Zibersegurola" lemapean, kanpainak eremu digitalari lagunarteko esamolde bat aplikatu nahi izan diote: "segurola". Diotenez, hori kaleetan erabiltzen da oraindik ere, arriskurik hartzen ez duen eta zuhurtziaz eta segurtasunez jokatzen saiatzen den pertsonari buruz hitz egiteko.
Era berean, gaitasun fisiko edo kognitibo desberdinak dituzten pertsonen kolektiboei arreta berezia eskainiko zaiela nabarmendu dute, teknologia berrien erabilerak euskal gizarte osoari eragiten baitio.
Ildo horretan, kolektibo horiek, bereziki entzumen edo adimen gutxien dutenek, Interneteko aukera guztiak segurtasunez aprobetxatzeko aukera izan behar dutela azpimarratu dute arduradunek. Horretarako, sentsibilizazio-baliabide batzuk beren gaitasun espezifikoetara egokitu dituzte, egungo gizarte digitalizatuan "erabat eta seguru" sar daitezen.
Kontuak horrela, 2022an zehar, hilez hil, ekimenak fokua jarriko du familiak kontzientziatzeko baliagarriak izango diren gaietan, hala nola sharenting arduratsua, zibersegurtasuna bideo-jokoetan, gurasotasun digital positiboa, ziberbizikidetza positiboa, desinformazioa eta buloak, netiketa eta tolerantzia Interneten.
Zure interesekoa izan daiteke
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.