Loa eta Laia
Urrian estreinatu den euskarazko telesailean Loak eta Laiak, Niko eta batera, abestien bitartez hainbat abentura biziko dituzte. "Etxeko txikientzat zein familia osoarentzat sortutako egitasmo digitala. Euskaraz bizi eta musikarekin gozatzeko proiektua", horrela definitu du telesaila bere sortzaileak.
Telesail horren sortzailea Josu Bergara musikari eta publizista da. Alabekin batera euskarazko marrazki bizidunen bila ari zela, eskaintza eskasa zela ikusi zuten, eitb.eus-i adierazi dionez. Proiektuarekin, euskarazko marrazki bizidunak zabaldu eta modernizatu nahi izan ditu bizkaitarrak. Produkzioan, Josu Bergararekin batera, Paul Caballero, Ane Martinez, Leire Aparicio, David Sanchez eta Nerea Alberdi ibili dira.
Musika da Loa eta Laiaren ardatz nagusia, sentitzen dutena adierazteko modu naturala dela jakinarazi digu Bergarak. Proiektuaren sortzaileak onartu du "ume eta familiekin konektatzeko oso egokia" iruditzen zaiela.
Lehen denboraldiak, hasiera batean, 10 atal izango ditu, eta hilabetero estreinatuko da bat. Proiektua gutxinaka-gutxinaka osatzea nahi du lantaldeak, "txikitasunetik haziz eta eraikiz". Etorkizunari begira, lan lerro berrietan murgildu nahi dute: ikus-entzunezko eduki didaktikoak sortu, merchandisinga eskaini eta zuzeneko ikuskizunak egin.
Dagoeneko, lehen atala YouTuben ikus daiteke eta "Loa eta Laia, GAU BELTZA" du izena. Hedatzeko plataforma hori aukeratu dute "praktikotasuna eta eraginkortasuna" bilatzen dutelako. Hala ere, beste plataforma batzuk ere jo dituzte baliozkotzat, eta adierazi digute agian beste batzuetan ere egongo direla.
Lantaldeak esker ona adierazi nahi du proiektuak jaso duen harreragatik. Proiektua interesgarria irudituz gero, laguntzeko modu batzuk jazo dituzte webgunean.
Zure interesekoa izan daiteke
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.