Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
2001eko urtarrilaren 15ean jaio zen Wikipedia, Jimmy Walesek eta Larry Sangerrek bultzatuta, eta 25 urte bete ditu, Interneteko ezagutza askearen erreferente nagus bihurtua. 300 hizkuntzatan baino gehiagotan argitaratzen da, eta Wikimedia Foundationek kudeatzen du. Adimen artifizialera egokitzeko erronkari aurre egin behar dio orain. Adimen artifiziala, aldi berean, edukien fidagarritasunean oinarritzen da bere ereduak prestatzeko.
Testuinguru honetan, euskarazko Wikipedia hizkuntza gutxituetako proiektu arrakastatsuenetako bat da, bai bolumenagatik, bai eragin kulturalagatik. Euskarazko Wikipediak 2001eko abenduaren 6an hasi zuen bere ibilbidea, eta 2005ean 4.000 artikulutik gora zituen; etengabeko hazkundeari eutsi dio Euskarazko Wikipediak eta milioi erdi artikulu inguru ditu gaur egun, erregistratutako ia 186.000 erabiltzaileko komunitateari esker, eta horietako milatik gora aktibo daude.
Jimmy Walesek berak jo zuen euskarazko Wikipedia proiektu linguistikoen adibidetzat. 2007an egindako elkarrizketa batean azpimarratu zuenez, hiztunen kopuruaz gain, motibazio nagusia hizkuntzaren eta kulturaren kontserbazioa da, eta horrek azaltzen du, haren ustez, euskarazko eta katalanezko edizioen arrakasta.
Historian zehar, Euskarazko Wikipediak mugarri garrantzitsuak ezarri ditu. Hala nola, Euskararen debekua 1000. artikulua izan zen. Modu kolektiboan egin zuten, eta modu kontzientean aukeratu zuten. 2011n, gainera, bultzada instituzionala jaso zuen, Eusko Jaurlaritzako Kultura Sailak 11.000 artikulu inguru sartu baitzituen.
Wikipedia globalak 63 milioi artikulu baino gehiago ditu, ehun milioi erabiltzaile baino gehiago ditu erregistratuta, eta munduko hamar webgune bisitatuenen artean dago. Euskarazko edizioa, berriz, elkarlaneko proiektuek hizkuntzak eta komunitateak indartzeko duten moduaren adibide da, eta euskal ekosistema digitalaren funtsezko pieza da entziklopedia askearen mende laurden honetan.
Zure interesekoa izan daiteke
Teslak Cybercab aurkeztu du, robotaxi autonomoen aldeko apustua
Teslak Cybercab aurkeztu du ostegun honetan, robotaxi autonomo gisa funtzionatzeko diseinatutako bi plazako ibilgailu elektrikoa. Autoak ez du bolanterik, ezta pedalik ere, eta konpainiak garatutako gidatze sistema autonomoaren mende dago erabat. Teslak 45 ibilgailuko lehen serie bat merkaturatu du (Texasen eta Floridan zerbitzua eskaintzen ari dira jada), baina konpainiak robotaxia pixkanaka zabaltzea aurreikusten du, AEBko beste eremu batzuetara heltzeko.
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.