Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Perez Iglesias Zientzia, Unibertsitate eta Berrikuntza sailburua eta Mikel Jauregi Industria sailburua. Argazkia: Irekia
Donostiako ordenagailu kuantikoa, IBM Quantum System Two delakoa, industriaren eta erakunde publikoen eskura jarri du Eusko Jaurlaritzak. Piztu duen interesaren erakusgarri, Mikel Jauregi Industria sailburuak "Ferrari kuantiko" gisa definitu duena erabiltzen zain enpresa zerrenda luzea dago.
Sarbide hori Basque Quantum (BasQ) aliantzak gidatutako protokolo batek zehaztuko du. Protokolo horrek modu antolatu eta gardenean arautuko du Donostian instalatutako IBM Quantum System Two sistemaren gaitasun kuantikoen erabilera, baita IBM Quantum plataformaren bidez hodeian eskuragarri dauden backend kuantikoena ere.
Juan Ignacio Perez Iglesias Zientzia, Unibertsitate eta Berrikuntzako sailburuak, Mikel Jauregi Industria, Trantsizio Energetiko eta Jasangarritasuneko sailburuak eta Javier Aizpurua BasQko zuzendari zientifikoak aurkeztu diete protokoloa enpresetako eta erakunde publikoetako ordezkariei, gaur goizean.
Zer enpresak erabili ahalko dute?
Eusko Jaurlaritzaren arabera, enpresa zerrenda luzea dago ordenagailu kuantikoa erabiltzen zain, mota guztietakoak: bankuak, enpresa eletrikoak edo software-garapenekoak.
Euskadi 2030 Industria Planeko Eraldaketa Proiektuak, berrikuntza maila handia dutenez, hautagai ezin hobeak dira teknologia kuantikoarekin esperimentatzeko, erronka konplexuei aurre egiteko eta negozio aukera berriak sortzeko.
Zeinek izango dute lehentasuna?
Protokoloak hainbat sarbide-modalitate aurreikusten ditu, eskatzailearen profilaren eta Euskadirekin duen loturaren arabera. Lehentasuna izango dute lurraldean sustraitutako industriak eta Euskal Autonomia Erkidegoko sektore publikoko erakundeek.
Zure interesekoa izan daiteke
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.