Euskaltzaindiak agur esan dio Jean Haritschelharri, Baionan
Euskaltzaindiak Jean Haritschelhar agurtu du eguerdian Baionan (Lapurdi). Euskaltzain eta euskaltzainburu ohi zenaren hil kapera goizean zabaldu dute, eta asko izan dira bertaratu diren pertsonak: anonimoak asko, baina euskalgintzarekin eta politikarekin lotutakoak ere bai. Euskararen alde egindako lana goraipatu dute guztiek, baita haren gizatasuna ere.
Politika eta kultura munduko hainbat pertsona izan dira azken agurra ematen. Patxi Baztarrika Eusko Jaurlaritzako Hizkuntz Politikarako sailburuordea eta Miren Azkarate sailburu ohia hil-kaperan izan dira eta baita Pello Salaburu eta Patxi Goenaga euskaltzainak ere. Martin Garitano Gipuzkoako ahaldun nagusia ere hil-kaperan izan da eta Jokin Apalategi eta Maite Idirin abeslaria ere.
Baztarrikaren hitzetan ''galera izugarria'' izan da Haritschelharren heriotza. ''Zintzotasuna, buruzagitza eta estiloa dira Haritschelhar definitzeko erabili ohi ditudan hitzak, giza kalitateari dagokionez zintzotasunaren irudia baitzen'', gaineratu du.
Garitanok esan duenez, "ezusteko" heriotza izan da, inork ez baitzuen "hain amaiera arina" espero. Gipuzkoako ahaldun nagusiaren ustez pertsona "garrantsitsua" izan zen, ez bakarrik Euskaltzaindiarentzat, "herri guztirako" baizik, instituzioan "eginkizun oso garrantzitsua" egin zuen arren, "hizkuntzaren etorkizunerako erabakigarria". Bere aldetik, Miren Azkaratek esan du inor ez dela "ordezkaezina", baina batzuk beste batzuk baino gehiago direla. "Haritschelharrek uzten duen hutsunea betetzeko jende askok lan egin beharko du Iparralden, eta Euskaltzaindian zer esanik ez", adierazi du.
Euskaltzalea atzo zendu zen, 90 urte zituela, duela 15 egun atzeman zioten gaixotasun larri batek jota. Biarritzen ospitaleratuta zegoen. Hileta Baigorriko Saint-Etienne elizan egingo dute, asteazken arratsaldean, 16:00etan.
Euskararen aldeko lan nekaezina
Haritschelhar Angelun bizi zen, baina Baigorrikoa zen. Haritschelhar Euskaltzaindiko presidentea izan zen 16 urtez, 2004. urtea arte hain zuzen ere. Aldez aurretik, presidenteorde izan zen, 24 urtez.
Euskaltzainak euskararen aldeko lan nekaezina egin du beti. Herria aldizkariko kolaboratzailea, Baionako Euskal Museoaren zuzendari eta Baigorriko alkate ere izan zen.
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.