Donostia 2016 'krisi berri' baten aurrean dagoela aitortu du Izagirrek
Juan Karlos Izagirre Donostiako alkateak Donostia 2016 kultur hiriburuaren bulegoan "krisia" dagoela aitortu du, baina proiektuak, "pertsona batena edo alderdi batena ez denez gero", aurrera egingo duela nabarmendu du.
Itziar Nogerasek Donostia 2016 proiektuaren zuzendari kargua Patronatuaren esku uzteko erabili dituen manerekin "harrituta eta maila pertsonalean minduta" dago Donostiako alkatea, "batik bat egiteko moduagatik".
Izagirrek, 2016 Fundazioko presidente gisa, "autokritika" egin du, eta bulegoari "egonkortasuna" ematen asmatu ez dutela aitortu du, "ez komunikazio politikoan ezta izan behar duen gardentasun mailan ere".
Donostiako alkateak lasaitasunerako deia egin du, Donostia 2016 proiektuak aurrera egingo baitu, "bai ala bai", eta horretako "herritarren inplikazioa" behar dela uste du.
Horrez gain, atzo, Patronatuaren bileran gai "positiboak" onartu zituztela eta programara "proposamen distiratsuak" gaineratu zituztela iragarri du, nahiz eta Nogerasen iragarpenak ilundu egin zituen. Zuzendariari 24 orduz hausnarketa egiteko eskatu diotela esan du.
Izagirreren esanetan, Nogerasek karguan jarraitu ala ez, 2016 Fundazioaren hurrengo erronka proiektuari orain arte izan ez duen egonkortasuna ematea izango da. Dena den, uko egin dio egungo taldean aldaketak egongo diren baieztatzeari- "Hartu behar diren erabakiak hartuko dira", nabarmendu du. Halaber, organigrama berri bat egiteko eta taldera jendea batzeko proposamenak daudela adierazi du.
Odon Elorzak "lidergo, gogo eta koherentzia falta" egotzi dio Bilduri
Odon Elorza Donostiako alkate ohi eta egungo diputatu sozialistak Bilduren "lidergo, gogo eta koherentzia falta" kritikatu du Donostia 2016 proiektuan.
Elorzak sarrera berri bat argitaratu du haren blogean Itziar Nogerasen iragarpenaren harira. Alkate ohiaren ustez, Nogerasen erabakia "gauzak gaizki egiten ari direnaren enegarren froga da". "Bildu, EAJren konplizitatearekin, hiritarren eta mugimendu kulturalaren ilusioak zapuztea lortzeko tematuta dago", gaineratu du.
Donostia 2016 proiektua hiriaren bizitza kulturaletik at prestatzen ari direla salatu du. Halaber, 2016ra bitartean gelditzen den denboran ekintza kultural jarraitua garatuko litekeela adierazi du. Bestalde, hiritarrak etsita eta eszeptiko daudela ohartarazi du.
Barne koordinazioan "akats larriak" daudela ohartarazi du Odon Elortzak eta aurrekontua oso mugatua dela gaineratu du.
Donostiako EAJk 'neurri zorrotzak' hartzeko premia adierazi du
Donostiako Udaletxeko EAJko ordezkariak, Eneko Goia, Donostia 2016 ekimenak 'neurri zorrotzak' hartzeko premia duela adierazi du. Horretarako 'krisi sakon batean' dagoen proiektuaren 'zuzendaritza eta norabidea' aldatu beharra azpimarratu du.
Goiak 'Donostiarentzat biziki garrantzitsua den proiektua aurrera eramateko laguntza eskaintzeko prest dagoela' gaineratu du. Bere iritziz, 'eraginkortasuna eta gardentasuna' falta dira. 'Donostia 2016 proiektuaren inguruan albiste txar gehiegi batu direla' baieztatu du.
Bilduk kudeatutako udal gobernuak alderdi politikoei eskatutako 'babesa' kritikatu ostean 'proiektu gardenago eta eraginkorrago bat' egin behar duela esan du.
'Oraindik garaiz gabiltza eta EAJ beti egongo da Donostiaren alde kolaboratzeko prest baina Bilduk izen aldaketa bakarrik ez jarrera ere aldatu egin behar du'.
PPko Gomez Ugaldek Izagirreren dimisioa eskatu du, “lidergo ezarengatik”
Ramon Gomez Ugalde Alderdi Popularrak Donostiako Udalean duen bozeramaileak Juan Karlos Izagirre alkatearen dimisioa eskatu du, “proiektuaren arduradun nagusi moduan duen lidergo ezarengatik”. “Hiru urte daramatzagu pertsonei buruz hitz egien, eta ez kultura ekimen bati buruz”, gaineratu du.
Ohar batean adierazi duenez, Itziar Nogerasek kargua patronatuaren esku utzi izanak “ez dio Donostia2016 proiektuari laguntzarik ematen”.
“Orain zazpi hilabete Izagirrek izendatu zuen pertsonak kargua desadostasunengatik eta babes ezarengatik uztea ulergaitza da”, azpimarratu du.
“Izagirre da kargua utzi behar duena, ez baitu gure hiriarentzat oinarrizkoa den proiektu bat zuzentzeko gaitasunik. Alkate denetik hiri hau geldituta dago”, amaitu du.
Aurrera egiteko erakunde guztien apustua nabarmendu du Jaurlaritzak
Cristina Uriarte Eusko Jaurlaritzako Hezkuntza, Hizkuntza Politika eta Kultura sailburuak asteazken honetan aitortu duenez, ustekabean harrapatu du Itziar Nogeras Donostia 2016 proiektuaren zuzendari nagusiaren iragarpenak, baina erakundeek proiektuarekin aurrera egiteko apustua egin dutela nabarmendu du.
"Donostia 2016 proiektua aurrera aterako denaren uste osoa daukagu. Atzo aurrerapausoak eman ziren, kultura programazioa aurkeztuta eta bulego teknikoa indartuta", gaineratu du.
Nogerasen iragarpenaren ondotik Patronatuak bilera egingo du apirilean, eta "orduan ikusiko dugu zer aldaketa egin behar diren edota hautaketa prozesu berria egin behar den".
Zure interesekoa izan daiteke
Olaso Dorrea Fundazioaren funtsak handituz doaz, dohaintza baliotsuei esker
Olaso Dorrea Fundazioa bere artxiboak eta Monzon-Olaso Etxe Museoaren bilduma (Bergara) handitzeko eta aberasteko lanean ari da. XX. mendetik gaur arteko historian sakondu nahi du Fundazioak, bai eta ezagutarazi ere, eta, bide horretan, hauek jaso dituzte: Telesforo Monzonek gordetako Sabino Aranaren mikrofilmatutako obraren kopia bat, Lauaxetaren gabardina eta gurutzea, Karmele Urrestiri eta Txomin Letamendiri (Karmele filmeko protagonistak) Agirre lehendakariaren Gobernuak emandako dokumentazioa, Otaegi eta Garmendiaren aldeko pankarta, bala tiroz zulatutako Txomin Iturberen alkandora eta Txillarre baserriko lehen akordioaren originala.
“Gipúzcoa” Pio Caro Barojaren dokumentala, Tabakaleran
“Ipuscua” izena lehenbizikoz agertu zeneko milagarren urteurrenaren ospakizunei dagokie proiekzioa. Pelikula 1976 eta 1979 urteen artean filmatu zuten, eta Gipuzkoako orduko errealitate sozial eta kulturala jasotzen duen dokumentu etnografikoa da.
Frankofoniaren eremuan hizkuntza gutxituek dituzten erronkei buruzko biltzarra antolatu du Etxepare Institutuak Parisen
Astelehen honetan egindako aurkezpenean azaldu dutenez, hilaren 19an eta 20an egingo den topaketak bat egiten du Etxepare Euskal Institutuaren 15. urteurrenarekin, eta 'Ça colle au basque' ekimenaren testuinguruan antolatu da, unibertso frankofonoan euskararen eta euskal sorkuntzaren proiekzioa indartzeko abiatutako egitasmoaren baitan, alegia.
"GO!AZEN" telesailaren 12. denboraldia ikusgai da jada MAKUSI plataforman
Gaur goizetik, "GO!AZEN" telesailaren 12. denboraldiaren lehen atala MAKUSIn da ikusgai. ETB1era, aldiz, ostiralean iritsiko da. Basakabiko gaztetxoek abentura ugari biziko dituzte oraingoan ere. Udalekua guztiz aldatuta ikusiko dugu, Maitane zuzendariaren ideia berriekin eta adingabeen zentrotik etorritako gazteekin. Aurtengo istorioekin, elkar ulertzearen eta taldean aritzearen garrantziaz ohartarazi nahi dituzte ikus-entzule gazteak.
EITB, Seriesland Bilbao International Digital Festival jaialdian saritua
Bilboko Guggenheim Museoan izan den ekitaldian, hauek saritu dituzte: Desagertuta, Marina Ostolaza (Power Up), Irabazi arte, Intimitatean, Itsatsita berriz, Voces de la Tierra eta Ardi beltzak.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
Azaroaren 25ean eta 26an izango da DA! PRO topaketaren zazpigarren edizioa
Sortzaileen eta eta programatzaileen arteko elkargunea eskaintzen du Durangoko Azokaren ekimen honek. Familia ikuskizunen egileek eta musikariek euren proposamenak aurkeztuko dituzte kultur zein euskara teknikari, liburutegietako dinamizatzaile eta jai-antolatzaileen aurrean, azaroaren 25ean (familia ikuskizunak) eta 26an (musikariak), Durangoko Bizenta Mogel liburutegian. Familia ikuskizun hauek aurkeztuko dituzte: Oñatiko Algaraz ikuskizun elkartea (Potx eta Lotx Lagunekin topa!), Josan Aramayo (Kanutoren Anaia), Lanku (Txepeldunak haurrentzako bertso antzerkia), Lanku (Teilatupean), Lanku (Bertso garbitzailearena), GRAMA Kolektiboa (Erresinolaren Kantua), Euskal Barrok Ensemble (Xirribit) eta Zurrunka Teatro (Pulcinella Txio-Txinela). Parte hartuko duten musikariak, berriz, hauek izango dira: Sueder, Sara Zozaya, Gartxot, Jonkass, Hondora, Ilargi, Maialen Ibarra, Uxue Kerejeta, Euskal Barrok Ensemble eta Maider.
Delaware Choral Scholars abesbatzak irabazi du Tolosako 56. Abesbatza Lehiaketa
AEBko abesbatzak lau sari eskuratu ditu: polifonia saileko eta folklore saileko lehenengo sariak, Kutxaren sari nagusia eta euskal abesti baten interpretazio onenaren saria.
Liburuetan ahaztutako objektuen bilduma bitxia ikusgai, Errenteriako Udal liburutegian
Errenteriako Udal Liburutegiak 'Altxorrak orrien artean' erakusketa antolatu du, liburuetan ahaztuta geratutako objektuen bilduma bitxia. Liburuekin batera itzuli diren gauza txikiak daude ikusgai: orri-markatzaileak, tiketak, argazkiak, postalak, eskuz idatzitako oharrak eta irakurleek utzitako bestelako aztarnak.
Eusko Ikaskuntzak "EzBerdin Berdinak" ikuskizuna plazaratu du Bilbon, EITBren egoitzan
Dantza garaikidea eta tradizionala, bertsolaritza, antzerkia eta musika zuzenean uztartzen dituen gogoeta sortzailearen zazpi emanaldi izango dira guztira Euskal Herriko hainbat tokitan.