Pailazoen Arrigorriagako XIX. Jaialdia ostiral honetan hasiko da
Pailazoen Nazioarteko Jaialdiaren 19. edizioa ostiral honetan, maiatzaren 9an, hasiko da, eta igandera bitartean, pailazo, antzerki, dantza, zirku, magia eta txotxongiloen antzezlanak ikusteko aukera eskainiko du.
Aurtengo edizioan 13 ikuskizun izango dira, tartean bi estreinaldi. Guztira, 13 konpainiak aurkeztuko dituzte lanok, horietatik hiru Euskal Herrikoak eta bi Argentinakoak.
Halaber, jaialdiak bestelako bi jarduera antolatu ditu aurten. Alde batetik, "Gorakada 25 urte" izeneko erakusketak talde bizkaitarraren ibilbidea jaso eta erakutsiko du, ekainaren 12ra arte, Arrigorriagako udal erakusketen gelan.
Beste alde batetik, El gran Rufus zirku tailerra antolatu da. Tailerra ostiralean egingo da Arrigorriaga ikastetxean, eta eskolako umeei zirku arteak erakutsiko zaizkie, eta malabareak pilota, mazo, makila eta plater txinatarrekin, akrobaziak edo oreka jokoak egiten ikasteko aukera izango dute.
Arratsaldez, Nalua konpainia gasteiztarrak abiatuko du jaialdiaren aurtengo edizioa, "Fakir handia" izeneko antzezlanarekin. 18:30ean, "Fakir handia" Udaletxeko plazara iritsiko da "misterioz inguraturik, sua, iltzeak, postura izugarriak eta beste hainbeste proba ezinezko aurkeztuz ikusleak harritzeko asmoz".
Ondoren, 19:45ean, Capicua taldeak "Entredos" ikuskizuna aurkeztuko du. "Armairu, mahai eta ohe erraldoia hegan egiten ikusteko aukera ekarriko dute, publikoa euren mundu magiko, zentzugabe, poetiko eta komikoan sarraraziz", azaldu dute. Entredos lanak Huescako 2013ko Nazioarteko Antzerki eta Dantza Azokako Ikusleen Antzezlan Onenaren Saria eskuratu zuen.
Albiste gehiago kultura
Springsteenen zaleak gogotsu daude "The Boss" handiak Reale Arena dantzan jarri aurreko orduetan
Bruce Springsteenek bi kontzertu eskainiko ditu Donostian (larunbatean eta asteartean) "The Land of Hope and Dreams" biraren barruan. 2016an izan zen azkenekoz estatubatuarra Euskal Herrian. Springsteenek 17 musikari eta abeslari izango ditu alboan, E Street Bandeko kide historikoak barne.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
Euskal Museoak 2026ko bigarren hiruhilekoan irekiko ditu ateak berriro
"Enbor arina", euskal kulturaren ikurra, Miserikordia eraikinean jarri dute Bilboko museoaren berrikuntzaren parte gisa. 2026an ateak berriro irekitzea espero dute.
Itziar Ituño protagonista duen ''Argi gorriak'' telesaila grabatzen ari dira egunotan
Alberto Gastesik zuzenduta, umorea, intriga eta drama familiarra uztartzen ditu EITBren parte-hartzea duen telesailak.
"Eguerdi on", Euskaltzaindiak ez du "gibel egin" eta hainbat hitz hiztegiratu ditu
Azken sei hilabeteetan, Euskaltzaindiak 774 forma berri jaso ditu bere hiztegian, "eguerdi on" eta "gibel egin" tartean, 1.635 forma zuzendu edo osatu ditu eta hiru sarrera kendu ditu. Guztira, 52.091 forma jasotzen ditu orain "Euskaltzaindiaren Hiztegia"k.
Fermin Leizaola etnografoa zendu da
81 urte zituen Euskal Herriko artzaintzaren kultura ikertu eta dokumentatu zituen gizonak. Aranzadiko Etnografia saileko zuzendari izan zen, 45 urtez, eta Eusko Ikaskuntzaren Manuel Lekuona saria jaso zuen 2018an.
Gerediaga Elkarteak 60. urteurrena ospatuko du
Ekitaldia egin du larunbat honetan Abadiñoko Gerediaga auzoaren zelaietan, 1965an elkartea abiatu zuten leku berean, alegia. Gainera, Gotzon Gomez elkartearen presidente berriak Nerea Mujikaren lekukoa hartu du, 22 urteren ondotik.
Fermin Muguruza: ''Etortzen den jendeak zerbait historikoa bizi izan duela jakitea nahi dugu''
Ia dena prest dago Donostiako Anoeta estadioan larunbat honetan 30.000 lagun inguruk Fermin Muguruzaren kontzertuaz gozatzeko. Irungo musikariak zalantzan daudenak animatu nahi izan ditu oraindik eskuragarri dauden sarrera apurrak eros ditzaten.