Donostia 2016k programazioko 30 jarduera aurkeztu ditu
Donostia 2016 Europako Kultur Hiriburutzaren lantaldeak proiektuaren ildo nagusiak azaltzen dituen eta hiriburutza urteari begira prestatu dituen 30 jarduera zehazten dituen argitalpena banatuko du lurraldeko hainbat kioskotan, apirilaren 16an.
Idatzi horretan, proiektuaren filosofiaren gaineko azalpen zabala irakurri ahalko dute herritarrek, hala nola hiria "pertsonen arteko sare gisa" erakusten duen pentsamoldearen nondik norakoak eta "itsasargiak", hiriburutzaren programazioaren ardatzak, zer diren.
Izan ere, Donostia 2016ko programazioa hiru "itsasargi" edo arlo tematikotan banatuta egongo da: Bakearen Itsasargia, Bizitzaren Itsasargia eta Ahotsen Itsasargia. Lehenengoak "bakea eta errespetua" sustatzeko jarduerak bultzatuko ditu; bigarrenak gizartearen eguneroko bizitza hobetzearekin lotutako ekintzak hartzen ditu bere gain; eta hirugarrenak, Ahotsen Itsasargiak, azkenik, adierazpen artistikoek emozioa, hausnarketa eta besteenganako loturak sortzeko duten balioa jarriko du agerian.
Herritarrei begira, hiria aldatzeko bost helburu jarri dizkiote beren buruari Donostia 2016 hiriburutzaren arduradunek, eta "kaiak" izenarekin bataiatu dituzte erronka horiek, itsasoarekin lotutako terminologiari eutsiz. Bestelab kaia herritarrek erabakiak hartzeko laborategia izango da; Hirikia kaiak teknologia berrien integrazioa sendotuko du; Hazitegiak izenekoak sortzaileak eta audientzia elkarri hurbilduko dizkio; 284 + kaiak euskarari begiratuko dio; eta Pagadi kaiak jarduera artistiko garaikideei buruz pentsamendu kritikoa lantzeko bitartekoak jarriko ditu.
30 jarduera
Auzoz auzo proiektua aurkezteko eginiko agerraldi sortan, 2016an hiria hartuko duten jardueretako batzuk aurkeztu zituzten DSS2016EUkoek, eta txosten honetan beste batzuk ere zehaztu dituzte, 30 guztira.
Bakearen Itsasargiaren inguruan antolatutako ekintzek, besteak beste, giza eskubideak eta elkarbizitza izango dituzte hizpide, eta hainbat adierazpide erabiliko dituzte horiek gauzatzeko: antzerkia, zuzeneko musika, instalazioa, dantza…
Bakearen irudikapenari buruz Europan inoiz egin den erakusketarik handiena Donostian egongo da ikusgai, gerraren aurkako musika jaialdia egingo dute, hiriko hormak grafitiz apaindu…
Bizitzaren Itsasargiaren inguruan bildutako ekintzetan, adibidez, geografia, feminismoa, hirigintza eta ongizatea izango dira protagonista, eta denetariko jarduerak izango dira: Hirikilabs teknologia herritarren zerbitzura jartzeko laborategia, ligodromoa, ondare ekologikoa hobeto ezagutze aldera diseinatutako ibilbideak…
Ahotsen Itsasargiak, azkenik, hamaika adierazpen artistiko erabiliko ditu, arteak komunikatzeko, galderak egiteko eta hunkitzeko balio dutela aldarrikatzeko. Edukiontzi tematiko honen kariaz ere, hamaika jarduera izango dira Gipuzkoako hiriburuan eta beste hainbat lekutan: Europako Musika Eskolen Elkartearen musika jaialdia, Uda-gau bateko ametsa Shakespeareren lanaren antzezkizunak Cristina Enea parkean, txotxongiloen jaialdia, ahozko kultura eta inprobisatzaileen Europako topagunea…
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.