El Sol jaialdiak Loteriaren iragarkia saritu du aurten
'El Sol' Publizitate-Komunikazioaren Jaialdi Iberoamerikarrak 30. edizioaren irabazleen zerrenda jakitera eman du gaur Bilboko Euskalduna Jauregian.
Herrialde iberoamerikarretan egindako publizitate onena saritzen duen jaialdi horrek eta, horren harira, 240 golardo banatu ditu, lehiaketaren 13 sailetan parte hartu izandako lanak saritzeko, hain zuzen ere.
13 herrialdeetako 83 publizitate-agentziek parte hartu dute aurtengo edizioan, jaialdiaren antolatzaileek ohar baten bidez jakinarazi dutenez.
Guztira, 6 Sari Handi banatu dituzte, 56 urrezkoak, 75 zilarrezkoak eta beste 103 brontzezkoak. Gainera, Hamarkadako Iragarlea, Jaialdiaren Agentzia eta Sarea, eta Gazte Sortzaileak saileko sariak ere banatu dituzte antolatzaileek.
Sari Handien irabazleen zerrenda
Telebista/Zinema: "El Mayor Premio es Compartirlo" (Leo Burnett, Madril, Espainiako Estatuko Loteria eta Apustuentzat)
Integratutako kanpainak: "La Invasión del Pez León – Terriblemente Delicioso" (Geometry Global, Ingurugiro Ministerioarentzat, Kolonbia)
Marka eta Harreman Publikoetarako Edukiak: "Los últimos deseos de la Combi" (AlmapBBDO, Brasilgo Volkswagenentzat)
Digitala eta Promozio-Marketinga: "Hologramas por la Libertad" (Espainiako DDB, No Somos Delito-entzat, Espainia)
Atzerria (Clear Channelek sustatutakoa): "Emboscada Volvo" (We Believers, Volvo North Miamirentzat, AEB)
Irratia eta Zuzeneko Marketinga: "Oídnos" (Argentinako Ogilvy & Mather, Las Lomas Oral Ikastetxearentzat, Argentina)
Bestalde, Komunikabideak, Egunkariak eta Aldizkariak, eta Berrikuntza eta Mugikorra sailetako sariak eman gabe geratu dira.
Herrialdeen rankinga
Lehiaketan parte hartu duten herrialdeei dagokienez, Espainiak 115 sari jaso ditu; jarraian, Argentina dago (urrezko 28 sari), eta AEBk (22), Brasil (21), eta Kolonbia (17).
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.