Danborrada europar batek abiatuko du Donostia 2016
Haurrez osatutako danborrada europar batek abiatuko ditu urte osoan zehar prestatu diren ekitaldi ezberdinak. Donostia 2016 Europako Kultur Hiriburuaren helburu nagusia elkarbizitzaren eta dibertsitatearen balioak sustatzea da, urteetan zehar sortutako zauriak behingoz ixteko.
Lehenengo aldiz, Europako beste hiri batek haurren danborradan parte hartuko du. Kasu honetan Poloniako Wroclaw hiria izango da (Europako Kultur Hiriburua Donostiarekin batera 2016an). Horrela, Raimundo Sarriegiren melodia batzuk eta besteak batu eta elkarbizitzaren garrantzia nabarmentzeko erabiliko dute.
Donostia 2016ko inaugurazioak astebete iraungo du, urtarrilaren 20tik 24ra, eta hiriak prestatu dituen jardueretan parte hartzeko aukera izango dute egun horietan herritarrek. Hala ere, inaugurazioaren ekitaldi nagusia hilaren 23an izango da, Maria Kristina zubiaren inguruetan. Hansel Cereza artistak diseinatu duen ikuskizunean, herritarrak izango dira benetako protagonistak.
Musika
Urtarrilaren 23tik abenduaren 17ra bitartean, “Music Box” festibala ospatuko da. Urte osoan zehar, hamabi kontzertu eskainiko dira, normalean kultur ekintzarik hartzen ez duten hiriko zenbait tokitan. Corizonas eta Bullet Proof Lovers izango dira lehenak oholtzara igotzen. Bi kontzertu horiek Bilbo Plazan izango dira.
Teknologia
Teknologiak ere bere tartea izango du Donostia 2016ko agendan. Alde batetik, “Interprest” proiektuak haririk gabeko teknologiaren aldeko apustua egingo du. Kasu honetan, igorleak mezua bidaliko du, mikrofono txiki baten bitartez, eta hartzaileak bere sakelakoan jasoko du. “Ping” izenekoaren helburu nagusia, berriz, telekomunikazio-sareak hedatzea da. Guifi.net sare libre eta neutrala erabiliko dute horretarako.
Urtean zehar, gerra edo gatazken agertoki diren edo izan diren Europako hamar hiri hauek bisitatuko dituzte: Wroclaw, Ceuta, Belfast, Sarajevo, Dresden, Kaliningrad, Pristina, Plovdiv, Pafos eta Istanbul. Hilabete emango dute hiri bakoitzean, eta dokumental bat egingo dute biltzen duten materialarekin. EiTBn estreinatuko dute.
Erakusketak
Erakusketak izango dira nagusi urte osoan zehar izango diren ekitaldien artean. “Iturriak” proiektuari esker, esaterako, hiriburuan kendu dituzten iturri guztiak plaza berean jarriko dituzte, Maider Lopezen lankidetzarekin, eta XVI. mendeko itsas historian emakumeek izan zuten papera ezagutzeko eta ontzigintzaren ondorioz eskualdeen artean izandako harremanen berri jasotzeko aukera ere egongo da.
Halaber, San Telmo Museoak bi erakusketa jarriko ditu ikusgai urtarrilaren 22tik maiatzaren 15era. Konstelazio modernoa osatu dute batean, euskal artista hauen inguruan: Oteiza, Eduardo Txillida, Balerdi, Basterretxea, Sistiaga, Amable, Mendiburu eta Zumeta. Bigarrenean, berriz, gaur egungo artista eta talde europarrak bildu dituzte, horien lanak erakusteko.
Pentsamendu kritikoa
“Arte ikerketarako egonaldiak” ekimenaren helburu nagusia arte-jarduerak bultzatzea da, pentsamendu kritikoa garatzea sustatzeko. Halaber, “Kaleidoskopio” izenekoak aniztasunaren balioa azpimarratu nahi du, hainbat diziplinatako ikasleen laguntzarekin. Diziplina-aniztasunaren aberastasuna hoberen lantzen duenak sari bat eskuratuko du.
“Beste Hitzak” proiektuak hizkuntza gutxituetan idatzitako literatur lanak babestuko ditu. Horren bidez, hizkuntza desberdinetan jasotzen diren idazlanak itzuli eta horren webean aireratuko dira. Herrialde hauetako lanak jasoko dituzte bertan: Irlanda, Herbehereak, Euskal Herria, Eslovenia eta Mazedonia.
DSS2016EU (DonostiaSanSebastian2016Europa) ospatzeko aukeratu duten leloa “elkarrekin bizitzeko kultura” da. Horregatik, elkarbizitzan eta etorkizunean sakontzeko ideia berriak aztertuko ditu “Ehunberri” ekimenak. Metodologia ugari erabiliko dira horretarako, eta bertan sortzen diren materialak publiko egingo dira, nahi duen orok erabil ditzan.
Euskal sukaldaritza
“Sukaldean sortzaile” proiektuak hiru ildo nagusi izango ditu. Batetik, 12 eta 16 urte bitarteko neska-mutikoek sormena landuko dute, eta euren aitona-amonen errezetak eraldatzeko aukera izango dute; bestetik, sukaldaritzarekin lotutako proiektu ekintzaileak sustatuko dira; eta, azkenik, dokumental bat eta liburu bat argitaratuko dira, euskal gastronomiak izan duen bilakaera azaltzeko.
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.