Kukuxumusuk Mikel Urmeneta kanporatu izana ukatu du
Kukuxumusuk Mikel Urmeneta diseinatzailea, enpresaren sortzaileetako bat, kanporatu izana ukatu du gaur, eta oraindik orain enpresako bazkidea dela eta “betiko parte-hartzea, % 33,3” duela baieztatu du, prentsa ohar batean.
Hartara, “enpresaren herena berea da oraindik, eta berea da, halaber, Kukuxumusuren egunerokotik aldentzeko duela hainbat hilabete hartu zuen erabakia”, idatziaren arabera.
Mikel Urmenetak goizean, Kukuxumusutik “baztertu” dutela eta bihar marka berri bat aurkeztuko duela jakinarazteko, kaleratutako beste ohar bati erantzun dio eguerdian konpainiak idatziaren bidez.
Kukuxumusuk horretan bildu duenez, “1989an sortu zenean bezala lanean jarraituko du enpresak. Egun, 30 pertsona baino gehiago daude bertan lanean, hainbat arlotan beren talentua, lana, esperientzia eta profesionaltasuna eskaintzen. Kukuxumusu, merkatuan bere tokia duten enpresa guztiak bezala, ez da pertsona bakarrera mugatzen, nahiz eta orain arte bere aurpegi ikusiena Mikel Urmenetarena, sortzaileetako batena, izan den”.
Markak idatzian erantsi duenez, “Kukuxumusuren jatorrian hiru bazkide sortzaileak daude, baina, ia 27 urteko bidean, aldaketak egon dira, eboluzioa, eta, marka guztiak bezala, unean uneko joeretara, gustuetara eta egoeretara egokitu da”, “Kukuxumusuren sormen unibertsoko kamiseta, pijama, termo, aterki edo kikara bakoitzaren atzean, diseinu, komunikazio, marketin, merkataritza eta kudeaketa arloetako 30 profesionalen baino gehiagoren lana dago; gainera, horietako gehienek 10 urte baino gehiago daramatzate konpainian”.
“Berak hala erabakita urrundu da”
Kukuxumusuk bidalitako oharrean irakur daitekeenez, “azken urteetan, Mikel Urmeneta Kukuxumusuren eguneroko jardunetik aldendu da, bere kabuz, zuzendaritza artistikoan zituen eginbeharretatik urrunduta, bere proiektu pertsonaletan aritu da.
Enpresaren oharra honela jarraitzen du: “Bazkide berri bat marka berpiztera sartu zen unean, 2014ko otsailean –lanpostu asko suntsitu zituen krisialdi gogor baten ondoren–, enpresa berpizteko plan bati ekin genion, haren kaudimena ziurtatze aldera. Kukuxumusuko zuzendaritzak behin eta berriz eskaini zion Mikel Urmenetari bere kontratu profesionala berriro negoziatzeko aukera, baina berak uko egin zion, horrek enpresari kalte bat ekarri badio ere. Mikel Urmenetak ez zuen ulertu nahi izan enpresa, langileak eta marka bere pertsona baino ¿¿garrantzitsuagoak direla”.
Azkenik, Kukuxumusuk “bere balioei, umoreari eta funtsari” eutsiko diela adierazi du, eta bere proposamen, proiektu, marrazki eta ideien bitartez “probokatzen, dibertitzen eta akuilatzen” jarraituko duela esanez bukatu du adierazpena.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.