Euskal kultura izango da gonbidatu Smithsonian Folklife Festivalen
Euskal kultura izango da gonbidatu Smithsonian Folklife Festival 2016 jaialdian, Washingtonen, eta bi astez erakutsiko dira euskal kultur produkzioak eta euskal ekonomiaren lorpenak, milioi bat lagunen aurrean, uztailaren hasieran.
Arantxa Tapia Ekonomia Garapen eta Leihakortasunerako sailburuak, Araba, Bizkaia eta Gipuzkoako hiru ahaldun nagusiek, eta Michael Mason Smithsonian Folklife Festival jaialdiko zuzendariak aurkeztu dituzte, gaur, Tabakalereran, ekimenaren xehetasunak. Johh Garamendi AEBetako Kongresuko kideak ere hartu du parte aurkezpenean.
Estatu Batuetako kultur eta ikerketa erakunde handienetakoa eta garrantzitsuenetakoa da Smithsonian. "19 museok, bederatzi ikerketa-zentrok eta parke zoologiko nazional batek elkarrekin osatutako altxorra da Smithsonian, eta zuekin partekatu nahi dugu", esan du Masonek.
Euskal diasporaren eskariari erantzunez erabaki dute aurten Euskadi gonbidatzea. Kulturaren eta ekonomiaren arteko nahasketa, eta horien atzean dauden baloreen erakusleiho bat da jaialdia, antolatzailearen arabera. Euskaldunen "sorkuntza eta berrikuntza maila erakusteko aukera ezinobea" dela nabarmendu du Masonek.
Eusko Jaurlaritzak eta EAEko hiru foru aldundiek elkarlanean antolatuko dute Washingtonera eramango duten produkzioa.
'Nazioartekotzea, helburu'
Euskal kultura milioika lagunen aurrean erakusteaz gain, Ameriketako merkatuan euskal enpresentzat harreman-komertzial berriak bilatzeko aprobetxatuko dute hitzordua Eusko Jaurlaritzak eta hiru aldundiek, Tapiaren hitzetan. Energia, automozio, aeronautika eta turismo sektoreetako enpresentzat negozio-bide berriak zabaltzea da helburua, besteak beste, "nazioartekotzean urrats berriak emateko".
Garamendirentzat ere, aukera paregabea izango da, euskal kulturaren eta ekonomiaren aberastasuna munduan zabaltzeko, eta erakundeen arteko zubi berriak eraikitzeko.
Txina, Mexiko eta Kanada izan dira aurreko edizioetan gonbidatutako herrialdeak. Ekitaldi handi honetan parte hartuko duen Europa hegoaldeko lehenengo kultura izango da euskalduna.
Zure interesekoa izan daiteke
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko du Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.