Euskararen erabilera bermatzeko konpromisoa hartu dute 10 denda handik
Bezeroekin dituzten harremanetan, idatzizkoak zein ahozkoak, herritarren hizkuntza eskubideak bermatzeko konpromisoa hartu dute hamar merkataritza kate handik, eta konpromiso horren lekuko, lankidetza hitzarmena izenpetu dute Eusko Jaurlaritzarekin.
Carrefour, Inditex, Mercadona, El Corte Ingles, Eroski, Fnac, Media Markt, Sabeco, Uvesco eta Forum saltokiek sinatu dute euskararen erabilera bermatzeko ituna. Hitzarmena aurkezteko prentsaurrekoan, enpresotako ordezkariak, Cristina Uriarte Hezkuntza, Hizkuntza Politika eta Kultura sailburua eta Patxi Baztarrika Hizkuntza Politikarako sailburuordea izan dira gaur.
Sinatutakoaren arabera, "indarrean dagoen araudiak herritarrei aitortzen dizkien hizkuntza eskubideak bermatzeko" konpromisoa hartu dute 10 enpresa hauek, eta horren isla beharko dute aurrerantzean bezeroarekin dituzten idatzizko zein ahozko hartu-emana.
Idatzizko eta ahozko komunikazioa
Idatzizko harremanetan euskaraz zein gazteleraz arituko dira dendok: seinaleak, kartel eta errotuluak, inprimaki eta katalogoak, kontratuak, fakturak eta aurrekontuak, esaterako. Agiriok kontsumitzaileak aukeratutako hizkuntzan egingo dira, "ahal bada", eta, bestela, "elebitan".
Ahozko harremanei dagokienez, bezeroari arreta ematen dieten zerbitzuetan kontsumitzaileak aukeratutako hizkuntzan hartzeko "ahalegina" egingo dute, eta eskakizun hori kontuan hartuko dute kontratazio berriak egiteko orduan.
Eusko Jaurlaritza lagun izango dute bide honetan merkataritza enpresok. Informazio emateaz gain, aholkularitza lanak eta zerbitzuak eskainiko dizkie.
Propio sortuko duten jarraipen batzorde batek hitzarmena betetzen ari ote den aztertuko du.
"Denok irabazle"
"Eskubide linguistikoak bermatuta, denok gara irabazle", nabarmendu du Uriartek.
Baztarrikaren hitzetan, "abantaila konpetitiboa da euskarazko zerbitzua eskaintzea". Ohartarazi duenez, oraindik bide luzea dago arlo horretan, hizkuntza eskubideak bermatzen duten enpresen tasa % 35ekoa baita oraindik.
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.