Tabakalerako sorkuntza liburutegia, zabalik
Tabakalera Kultura Garaikideko Nazioarteko Zentroak Ubik sorkuntza liburutegi berria zabaldu du, “hirugarren espazioa” bilakatzeko helburuarekin; lanetik eta etxebizitzatik ezberdintzen den espazioei deitzen zaie horrela, “norberak bere egiten duen gunea”, alegia.
Ubikek edukiak (programa publikoak, zine zikloak, erakusketak, etab.) modu sakonean ezagutzeko eta sormen prozesuak erabiltzaileei gerturatzeko aukera emango du, eta sormenerako baliabideak herritarren eskura jarriko ditu.
Liburutegi izaera duen zerbitzua izango da Ubik, baina pertsonek bildumak baino garrantzia handiagoa hartzen dute bertan, Tabakalerako arduradunek ohar batean azaldu dutenez: materialak kontsultatzeaz gain, eduki berriak sor daitezke bertan.
“Ikasi, sortu eta gozatu” filosofiari jarraituko diote Tabakalerako sorkuntza liburutegian, eta eskuragarri egongo den informazioaren eta erabiltzaileen artean bitartekariak egotea bultzatuko dute, bisitariari edukiak lortzen lagun diezaioten.
Lehenengo asteburuan, martxoaren 20ra arte, ordutegi berezia izango du espazioak, baina ohikoa hau izango da:
Asteartetik larunbatera: 10:00 – 14:00 / 16:00 – 20:00
Igande eta jaiegunetan: 10:00 – 14:00.
Kultura garaikidea, oinarri
Ane Rodriguez Tabakalerako zuzendari kulturalak horrela definitu zigun Ubik, irailean eitb.eus-ek egindako elkarrizketa batean:
“Ubikek bi ezaugarri berezi ditu. Alde batetik, funtsa kultura garaikidean dago oinarrituta (ikus-entzunezkoak, arkitektura, pentsamendua, teknologia, artea, etab.); bestetik, sorkuntzara bideratutako zerbitzu eta baliabideak eskaintzen ditu.
Funtsa euskarri guztietan eskainiko da: soinua, ikus-entzunezkoak, papera, digitala… Baina Ubik sorkuntza espazio bat ere izango da. Hainbat lan estazio egongo dira esparru tematiko desberdinak lantzen: teknologiarako postu pare bat, autoediziorako beste bat, ikus-entzunezko platoa…
Ohiko liburutegietan ordenagailu bat erreserbatzen den moduan, Ubiken espazio horiek erreserbatu ahal izango ditugu. Gainera, programa garatuko dugu, baliabide horiek erabili ahal izateko.
Honen helburua pixkanaka publiko orokorra kultur proiektuaren gainerako arloetara bideratzea da; beraz, sorkuntza liburutegia sarrera puntua izango litzateke. Ubiken beste betebeharra kultur proiektuan garatzen den programaren isla izatea da, eta gai horietan sakontzen laguntzea”.
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.