Sahara eta beste batzuk
“Sahara eta Donostiaren arteko harremana ez da atzo goizekoa, beraz, donostiarrek aspalditik ezagutzen duten errealitatetik abiatzen den proiektua da Hondar Artean”, dio Xabi Paya Donostia 2016ko kultur programaren zuzendariak. Sahara izango da beraz ekimenaren abiapuntua, baina munduan zehar gertatzen diren gaiak jorratu nahi dituzte. Urruneko gatazkek hurbilean duten eraginaz, giza eskubideen urraketez, urraketotan generoak duen eraginaz zein kooperazioaz modu zabalean jardun gura dutela diote, eta aste honetan hasita, Hondar Artean-ek hitzaldi, mintegi zein zine emanaldiak biltzen dituen egitaraua jarri du martxan.
Horietako asko, Federico Guzmán artista sevillarrak San Telmo museoan jarri duenTuiza izeneko jaiman egingo dira. Saharako errefuxiatuen kanpalekuetako emakumeek soinean erabiltzen dituzten melfa izeneko zapiekin eginda dagoen jaima Madrilgo Reina Sofia museoarekin lankidetzan egin den instalazioa da.
Ez da hor egingo ordea, Hondar Artean-en egitaraua irekiko duen erakusketa. Ondasun lapurtua izeneko erakusketa Okendo Kultur Etxean dago apirilaren 8tik aurrera, eta Inesa Ariztimuño Bakearen Itsasargiko arduradunak azaltzen duenez, “ondasun naturalen lapurretarekin harremanetan jartzen ditu gaur egun munduan dauden gatazka armatu eta gerrak. Giza eskubideen urraketak ere jorratzen ditu, eta erakusten du nola gure eguneroko bizitzan aurkitu dezakegun aulki edo txori kaiola bat lotuta egon daitekeen urruneko lapurreta eta giza eskubideen urraketa horrekin”. Bere ustez, eguneroko kontsumo ohiturek urruneko gatazka horiek bere horretan jarraitzen lagundu dezakete.
Hondar artean-en baitan arte egonaldiak ere antolatu dituzte. Udazkenean Saharan egin zuten eurena Ibon Salvador koreografoak (momentu honetan, bertan da berriz ere), eta Karlos Martinez eskultoreak. Maiatzean izango dira Euskal Herrian Ahmed Ohmar eta Nasra Sidi Azman artista sahararrak eurena egiten.
Zure interesekoa izan daiteke
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.
Zuloaren silueta hitzez marrazten
Harkaitz Cano eta Eider Rodriguez idazleek “Silueta” eta “Dena zulo bera zen” liburuak aurkeztu dituzte Durangoko Azokaren hirugarren egunean, hutsuneak mamitzeko bi ariketa literario zeharo ezberdin.