Bake-ituna, Goya, Rubens, Picasso eta Legerren erakusketa handia
Bake-itunaren programa, Kultur Hiriburutzaren proiektu garrantzitsunetakoa, Madrileko Prado Museo Nazionalean eman da ezagutzera. Pablo Berasteguik, Donostia 2016ren zuzendari nagusiak, aurkeztu du proiektua beste hauekin batera, Pedro G. Romero, proiektuaren komisario nagusia, Santiago Eraso, DSS2016EUko lehenengo zuzendaria, Eneko Goia, Donostia 2016 Fundazioko presidente eta hiriko alkatea, Miguel Angel Recio, Espainiako Kultur Ekintzako presidentea eta Arte Ederren Museoko zuzendari nagusia, Miguel Zugaza, Prado Museo Nazionaleko zuzendaria, Jose Maria Sanz Magallon, Telefonicako Babesletza eta Harreman Instituzionaletako zuzendari orokorra eta Telefonikako proiektuaren babesle orokorra ere. Bake-itunaren egitasmoan inplikatuta dauden museo batzuetako zuzendaritza-taldeek ere parte hartu dute: San Telmo Museoko, Bilboko Arte Ederren Museoko, Artium Arte Garaikidearen Euskal Zentro-Museoko, Liburutegi Nazionaleko edo Kalkografia Nazionalekoek, besteak beste.
Santiago Eraso eta Pedro G. Romero izan dira ideiaren sortzaileak eta egitasmoak, erakusketa, laborategi, argitalpen eta bakearen irudikapenaren inguruko hainbat formatu hartzen ditu. Proiektuaren helburua, bakean, historikoki izan dituen formetan eta irudikapen konplexuetan arrreta jartzea da. Bake-ituna egitasmoa Euskal Autonomia Erkidegoko, Nafarroako eta Iparraldeko ia hogei kokapenetara hedatuko da, baita Salamancara eta Bartzelonara ere.
Lankidetzak
Nabarmentzekoa da Louvre Museoa, Pompidou Zentroa, Prado Museo Nazionala, Reina Sofia Arte Zentroa Museoa Nazionala, Museu Nacional d’Art de Catalunya, Museu d’Art Contemporani de Barcelona, Biblioteca Nacional de España edo Museo de Americaren lankidetza. Honako hauek ere inplikatu dira egitasmo honetan: San Telmo Museo eta Koldo Mitxelena Kulturunea erakusketa nagusiaren antolatzaile gisa, Artium Arabako Arte Garaikideko Euskal Zentro-Museoa, Bilboko Arte Ederren Museoa, Baionako Euskal Museoa, Jorge Oteiza Fundazio-Museoa, Tapies Fundazioa eta Salamancako Unibertsitatea 800 Urte edo Zumalakarregi Museoa besteak beste.
Egitura
Donostiako Koldo Mitxelena Kulturunean eta San Telmo Museoan kokatuko da erakusteka nagusia. Horrez gain, proiektuaren gertaera historikoei buruzko zazpi erakusketa, Donostiaren inguruko erakunde kultural indartsuenetako batzuetan, Jose Maria Serti eta Nazioen Ligari buruzko azterketa monografiko bat eta artista garaikideen zazpi esku-harze barne hartuko ditu.
Gainera, iaz Donostian inauguratu zen Tabakalera Kultura Garaikideko Zentroarekin lankidetzan garatutako plan pedagogiko bat. Bestalde, argitalpen gisa, proiektuko materialak bilduko dituen liburu-katalogo bat, ikerketa-kasuei buruzko gidaliburuak eta FX artxiboa: indarkeria hutsa lanaren bilduma bat kaleratuko dira.
Datak
Erakusketa nagusia
1516-2016 Bake-ituna. Koldo Mitxelena Kulturunea eta San Telmo Museoa.
2016ko ekainak 17 - 2016ko urriak 2
Aztertzeko kasuak
1513. Urtubiako bake-itunetik. Geografia eta paisaia.
Jorge Oteiza Fundazio-Museoa, Altzuza
2016ko maiatzak 26 - 2016ko irailak 18
1660. Pirinioetako Bakearekin. Politika eta familia
Baionako Euskal Museoa
2016ko ekainak 3 - 2016ko irailak 25
1808. Baionako Abdikazioaren alde. Ornamentua eta delitua
Le DIDAM, Baiona
2016ko ekainak 3 - 2016ko irailak 25
1839. Bergarako Besarkadaren aurrean. Keinua eta interpretazioa
Zumalakarregi Museoa, Ormaiztegi
2016ko ekainak 9 - 2016ko abuztuak 23
Laboratorium Museoa, Bergara
2016ko abuztuak 31 - 2016ko azaroak 1
1930. Donostiako Hitzarmenean. Historia eta sinkopea
Ganbara, Koldo Mitxelena Kulturunea, Donostia
2016ko ekainak 10 - 2016ko irailak 4
1989. Aljerreko elkarrizketen ondoren. Delirioa eta su-etena
Artium, Arte Garaikidearen Euskal Zentro-Museoa, Gasteiz
2016ko abuztuak 11 - 2016ko urriak 16
Fundació Antoni Tàpies, Bartzelona
2016ko azaroak 11 - 2017ko urtarrilak 15
1937. Gernikari buruz. Gerra eta civitas-a.
Bilboko Arte Ederren Museoa
2016ko irailak 30 - 2017ko urtarrilak 9
1936. Josep Maria Sert eta Nazioen Liga
Salamancako Unibertsitatea
2016ko udazkena
Kaperak San Telmo Museoa
Donostia
2017.
Zure interesekoa izan daiteke
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko du Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.