Zortzigarren denboraldiarekin amaituko da 'Game of Thrones' telesaila
Zortzigarren denboraldia izango da 'Game of Thrones' telesailaren azkena, Casey Bloys HBO telebista kateko programazio buru berriak baieztatu duenez.
"Bai, egin nahi dituzten denboraldi kopuruen gaineko plan oso espezifikoa dute (David Benioff eta D. B. Weiss ekoizpenaren arduradunek). Ekoizpenean eragin ahalko banu, hamar denboraldi onartuko nituzke, baina egin dezaketenaren gaineko pista jarraitu nahi dugu", adierazi du Bloysek.
Bloysek onartu du telesailaren prekuela edota hortik eratorritako beste proiektu bat (spin-off) egiteko negoziatzen ari direla. Hala ere, plan zehatzik ez dagoela azpimarratu du.
'Game of Thrones' Euskal Herrira itzuliko da; izan ere, zazpigarren denboraldiko hainbat eszena Bermeon (Bizkaia) eta Zumaian (Gipuzkoa) filmatuko dituzte. Zumaia eta Bermeo ez ezik, HBOk beste hainbat eszenatoki ere baieztatu ditu: Islandia, Ipar Irlanda eta Sevilla, Caceres, Almodovar del Rio (Kordoba) eta Santiponce (Sevilla), Espainiako Estatuan.
Ez da telesail arrakastatsua Euskal Herrian grabatzen duten lehen aldia; alabaina, telesail arrakastatsuaren seigarren denboraldiko hainbat eszena Bardean grabatu zituzten.
Albiste gehiago kultura
Santa Ana 1588ko ontziaren gila izan daitekeena topatu dute Pasaiako badian
Santa Ana ontzia Pasaian eraiki zuten, 1586an. Felipe II.aren “Armada Handiko” ontzietako bat zen, eta Ingalaterra konkistatu eta bertan katolizismoa ezartzeko misioan, huts egin zuen operazioan parte hartu zuen.
Hunkituta jaso du Antton Valverdek Adarra Saria
Antton Valverde musikari donostiarrak jaso du aurtengo Adarra saria Eneko Goia alkatearen eskutik. Euskal kantagintzari egindako ekarpena aitortu diote. Saria musika sortzen jarraitzeko bultzada handia dela esan du sortzaile donostiarrak.
Springsteenen zaleak gogotsu daude "The Boss" handiak Reale Arena dantzan jarri aurreko orduetan
Bruce Springsteenek bi kontzertu eskainiko ditu Donostian (larunbatean eta asteartean) "The Land of Hope and Dreams" biraren barruan. 2016an izan zen azkenekoz estatubatuarra Euskal Herrian. Springsteenek 17 musikari eta abeslari izango ditu alboan, E Street Bandeko kide historikoak barne.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
Euskal Museoak 2026ko bigarren hiruhilekoan irekiko ditu ateak berriro
"Enbor arina", euskal kulturaren ikurra, Miserikordia eraikinean jarri dute Bilboko museoaren berrikuntzaren parte gisa. 2026an ateak berriro irekitzea espero dute.
Itziar Ituño protagonista duen ''Argi gorriak'' telesaila grabatzen ari dira egunotan
Alberto Gastesik zuzenduta, umorea, intriga eta drama familiarra uztartzen ditu EITBren parte-hartzea duen telesailak.
"Eguerdi on", Euskaltzaindiak ez du "gibel egin" eta hainbat hitz hiztegiratu ditu
Azken sei hilabeteetan, Euskaltzaindiak 774 forma berri jaso ditu bere hiztegian, "eguerdi on" eta "gibel egin" tartean, 1.635 forma zuzendu edo osatu ditu eta hiru sarrera kendu ditu. Guztira, 52.091 forma jasotzen ditu orain "Euskaltzaindiaren Hiztegia"k.
Fermin Leizaola etnografoa zendu da
81 urte zituen Euskal Herriko artzaintzaren kultura ikertu eta dokumentatu zituen gizonak. Aranzadiko Etnografia saileko zuzendari izan zen, 45 urtez, eta Eusko Ikaskuntzaren Manuel Lekuona saria jaso zuen 2018an.