Urriaren 26an hasiko dira 'Game of Thrones' grabatzen Zumaian
Urriaren 26an hasiko dira 'Game of Thrones' telesail ezaguna Zumaian grabatzen. Oier Korta alkateak iragarri duenez, sei egunez itxi beharko dute Itzurungo hondartza, muntaia handia egingo baitute bertan hiru aste lehenago hasita.
Udala gustura agertu da telesailaren zazpigarren denboraldiko atalak bertan grabatzeko erabakiarekin, turismoari eta ostalaritzari mesede egingo diolakoan. Gainera, alkateak azpimarratu duenez, grabaketak ez dio hondartza denboraldiari eragingo, urriaren amaieran izango baita.
HBO ekoiztetxearen telesail famatuenaren zazpigarren denboraldiko agertoki berria Zumaia izanik, Bermeorekin batera, Nafarroako Bardean hasitako bideari jarraituko diote.
Zumaiako Udalaren arabera, irailean zehar muntatuko dituzte Itzurunen agertokiak ?inoiz ez hilaren 15a baino lehen?, eta 3 edo 4 aste beharko dituzte lan horiek egiteko.
Era berean, Kortak jakinarazi du abuztuan lan-poltsa bat sortuko duela Udalak, prozesuan zehar parte hartu edo lan egiteko interesa duen ororentzat. Alkateak esan du pertsona ugari beharko dituztela mota askotariko lanak betetzeko: peoiak, gidariak, garbiketa taldeak, figuranteak, etab.
Azken urteotan hainbat film eta telesail grabatu dituzte Zumaian, besteak beste, 8 apellidos vascos, Zipi eta Zape 2, Haundiya eta Lasa eta Zabala. Oraingoan, baina, Game of Thrones ezagunarekin, urrats bat gehiago emango du Zumaiak, nazioarte mailako oihartzuna lortuko baitu.
Zure interesekoa izan daiteke
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.