Chillida Lekuk ateak zabalduko ditu berriro 2018an
Chillida familiak badu artistaren proiektua, Chillida Leku museoa, berriro irekitzeko proposamena. Hauser & Wirth nazioarte mailako galeriarekin akordioa lortu dute, eta datorren urtean irekiko dute berriro museoa, ETBk aurreratu duenez.
Galeriak berak eman du albistearen berri bere webgunean. Galeriaren arabera, familiak eta beraiek bat egin dute, eta, horri esker, datorren urtean irekiko dute berriro museoa.Nazioarte mailan garrantzi handia duen galeria da Hauser & Wirth, eta artista garrantzitsuen lanak kudeatzen ditu.
2016an gertatu zen negoziazioen azken haustura. Markel Olano Gipuzkoako ahaldun nagusiak elkarrizketa hautsi zutela jakinarazi zuen. "Erabaki zaila izan da", esan zuen, baina museoa berriro irekitzeko kostua Gipuzkoarentzat "handiegia" zela argudiatu zuen.
Familiaren esanetan, Hauser & Wirth galeria aukeratu dute beste artista batzuen ondarearekin lan eginez duen eskarmentuagatik eta bereziki familia izaerari ematen dion garrantziagatik.
Museoa, ordea, ez da ezagutu dugunaren berdin-berdina izango. Chillidaren eskultura eta marrazkiez gain, arte munduko beste artista garrantzitsuen lanak ere jarriko dituzte bertan ikusgai.
Luis Chillidak esan du bere aita hil zenetik "haren ondarea babesteko" lanean aritu dela familia, eta ardura hori galeria baten esku uzteko aukera aztertu zutela.
"Hauser & Wirth aukera garbia izan zen, aitaren ekarpenarekiko sentsibilitate handia erakutsi duelako", erantsi du.
Bestalde, Ian Wirth galeriako arduraduna ere pozik agertu da "Chillidaren ondarea zaintzeko aukera izango dugulako", eta Ameriketako Estatu Batuetan, Europan eta Asian erakusketak antolatuko dituztela iragarri du.
"Gerraosteko eskultorerik garrantzitsuenetako bat da Chillida, Hans Arp, Fausto Melotti, Henry Moore eta David Smith handiekin batera", gaineratu du.
Chillidak egindako lanaren "erakusleiho" bilakatu nahi dute museoa Euskal Herrian eta nazioartean.
Zure interesekoa izan daiteke
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko du Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.