Kultura, oztopo guztien gainetik
"Zelan irisgarri egin euskal kultura gaitasun ezberdinak dituzten pertsonei? Zelan gozarazi sormenaren lurraldeak eskaintzen dituen bizipenak?". Galdera horiei erantzuteko, Durangoko Azokaren barruan, kulturaren ohiko formatuetara gerturatzeko arazoak dituzten pertsonekin lanean aritzen diren sortzaileen uztaren hainbat lagin plazaratu dituzte gaurkoan.
Horretarako, hitzaldi bat antolatu dute, Landakon, zeinetan Manos K Rien taldeak Donostian antolatzen duen zeinu hizkuntzen arte jaialdia azaldu duen, Kukai Dantza Taldeak "Bizkidantza" tailerrak aurkeztu dituen, Bilboko FormArte zentroak bere berri eman duen eta Irakurketa Erraza mugimenduak bere ekimenak aletu dituen.
Manuel Gereka Manos K Rien elkarteko kideak azaldu duenez, artista gorrek osatutako taldeak berrogei ikuskizun baino gehiago sortu ditu dagoeneko (lan klasikoak, umorezkoak, dantza…) sei urtean, eta zeinu hizkuntzan egindako artearen jaialdia antolatzen du urtero Gipuzkoako hiriburuan.
Bestalde, Nora Macho eta Nerea Conejo Hierro irakasle-ikasleek Bilboko FormArte mugarik gabeko arte eskola aurkeztu dute. Zentro horrek adimen urritasuna eta nahasmen psikologikoa dituzten 46 pertsonarekin lan egiten du egun, eta gizon-emakume horiek 20 urte betetakoan sormena garatzen jarraitzeko aurkitzen duten hutsunea du bizigai. Egun, berorien lanaren lagin bat Bizkaiko Batzar Nagusiek Bilbon duten ordezkaritzan ikusgai dago.
Jarraian, Jon Maya Kukai dantza taldearen sortzaileak Bizikidantza dantza zikloa aurkeztu du. Berorren barruan egindako saioetan, integraziorako motoretzat erabiltzen dute dantza, eta Kukaik kolektibo baten esku uzten ditu urtero bere baliabideak: irakasle bat, lokal egokitua… "Irakasteaz gain, sentsibilitate ezberdina duten pertsona hauengandik asko ikasten da", Mayaren hitzetan, eta hurrengo urratsa dantza ulertzeko modu ezberdin horiek ikuskizunetan barneratzea izango dela adierazi du.
Amaitzeko, Nerea Aizpuruak Irakurketa Erraza idazteko formatua aurkeztu du. Irakurketa Erraza elkartea 2013tik ari da lanean EAEn, eta ohiko testuak irakurtzeko zailtasunak dituztenei (herritar guztien % 30 direla diote euren azterketek) irakurtzeko plazera erraztea eta eskubidea bermatzea du xede.
Horretarako, hizkuntza erraza eta argia erabiltzen dute, sintaxi errazekoa, eta letra tamaina handiagoaz eta lerro tarte zabalez baliatzen dira liburuetan. Testuak egokitu eta formatu horretan sortzen dituzte, halaber. Aizpuruak, gainera, euskaraz Irakurketa Erraza krisi larrian dagoela esan du, eta elkartea argitaletxe, idazle eta itzultzaileengana jotzen ari dela kontatu du, euskarazko irakurleek ez baitute ia materialik.
"Ixtebe Pellot azken kortsarioa" Fernando Morilloren liburua Irakurketa Errazeko formatuan
Gaurko hitzaldiaz gain, kulturaren barruan mugak desagerraraztera bideratutako beste hainbat jarduera izango dira Durangoko Azokan, hala nola "Minus ukittua" antzezkizuna (abenduak 9, 12:30ean eta 19:30ean) eta ezaugarri ezberdinak dituzten pertsonen taldeentzako bisita gidatuak. Bisitok Azokan dauden hutsuneak identifikatu eta konpontzeko baliatu nahi ditu Gerediagak, gainera.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.