Arata Isozakik irabazi du 2019ko Pritzker Saria
Arata Isozaki arkitekto japoniarrak irabazi du 2019ko Pritzker Saria, erakundeak Twitter-en iragarri duenez. Isozaki da Isozaki Atea eraikin gunearen autorea.
1931n jaio zen, eta Oitan (Japonia) eta Tokyon Arkitektura ikasi ostean, Kenzo Tange arkitektoarekin egin zuen lan. Ordudanik, ehun obratik gora sortu ditu, eta erakusketa ugari egin ditu nazioarteko arte gune garrantzitsuenetan.
Japonian eta herrialde horretatik kanpo egin ditu proiektuok. Bartzelonako Palau Sant Jordi pabilioi olinpikoaren diseinua (1983-1985) dago horien artean.
Lan aipagarrienen artean daude Los Angelesko Arte Garaikideko Museoa (Estatu Batuak), Floridako Tema Disney Building (Estatu Batuak), Shenzhengo Kultura Zentroa (Txina), Turingo Pala Alpitur izotz-hockey estadioa (Italia), Beijingo Arte Ederretako Akademia Zentrala-Arte Museoa (Txina), Milango Allianz Dorrea (Italia), Dohako Batzarren Zentroa (Qatar), Shangai Symphony Hall (Txina) eta Hunan Museoa (Txina).
Gainera, arkitekto japoniarrak Iñaki Aurrekoetxearekin batera sortu zuen 2008an Isozaki Atea, zazpi eraikineko gunea, Bilboko Abando auzoan, 82 metro eta 23 pisuko bi dorre bikirekin eta sei eta zortzi pisu arteko beste bost eraikinekin. Saltokiak, etxebizitzak eta Eusko Ikaskuntza eta Unesco Etxearen egoitzak daude bertan.
Isozaki Atea. Argazkia: Wikipedia.
Pallafolseko polikiroldegiko eta Sant Boiko Nekazaritza plaza eta Muntanyeta proiektuen autorea ere bada Isozaki, Bartzelonan.
Santiago de Compostelan Unibertsitate Parkea eta Ikasketa Aurreratuen Zentroa egin zituen Isozakik. Bartzelonako La Florida Hotelaren birmoldaketaren eta Sevillako Triana Atea eta Aragoiko Motorraren Hiria proiektuen arduraduna ere izan da japoniarra.
Arata Isozaki is the 2019 Laureate of the Pritzker Architecture Prize pic.twitter.com/XdTDWYcRlD
— Pritzker Prize (@PritzkerPrize) 5 de marzo de 2019
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.