Durangoko Azokaren azken egunerako agendan lekurik baduzu, atera arkatza
Jende andana ibili da Goienkalen, Artekalen eta Barrenkalen aurrera eta atzera egun hauetan. Durangoko Azokako gune ezberdinak ere jendez lepo egon dira une oro eta azoka ixten den honetan, ez dirudi ekitaldi eta bisitari kopuruak behera egingo duenik.
Ahotsenean, Lisipe bildumak hartuko du protagonismoa; izan ere, Lorea Agirreren eta Idurre Eskisabelen Trikua esnatu da (Lisipe bildumako 7. alea) eta Uxue Alberdiren Kontrako eztarritik (Lisipe bildumako 5. alea) aurkeztuko dituzte. Joxemari Iturralde ere bertan izango da Jamaikako neska eleberria aurkezten.
Ahotsenea sortzaileen guneko zuzenekoetan, Aizkorak Zorroztu, Eztanda, Revolta Permanent eta Hil Norbait izango dira, beste askoren artean, karpa denetariko musika doinuz betetzeko arduradunak.
Areto Nagusian, Durangoko Azokaren eragin ekonomikoaren azterketa egingo dute Gerediaga Elkarteak eta Siadecok.
Irudienean, Gladys del Estal aktibista antinuklearraren heriotza eta garaiko egoera aztertzen dituen Ez, eskerrik asko. Gladysen leihoa dokumentala aurkeztuko dute, eta, ondoren, solasaldi bat egongo da. Bertan izango da Bertha Gaztelumendi zuzendaria.
Azken urtean izugarrizko arrakasta izan duen Egunean behin mugikorrerako jokoak ere izango du bere tartetxoa Durangoko Azokan; Codesyntax sortzaileen eskutik aplikazioa aurkeztu eta jokalarien arteko topaketa egingo dute. Gero, Ines Osinagak eta Lorea Argaratek kontzertua emango dute, Mauriziak ez du inor hil izenburupean.
Szenatokian, larunbatean hasitako mikroantzerkien saioek jarraituko dute. Gaurkoan soilik zortzi emanaldi izango dira ikusgai.
Durangoko Azoka zabalik izango den egunetan Plateruena Kafe Antzokian emango dituzten kontzertuei amaiera Maider Zabalegik emango die. Oiartzuarrak bere bakarkako bigarren diskoa aurkeztuko du: Bidean. Hori izango da azokako aurtengo azken emanaldia.
Azokak egunero bezala 20:00etan itxiko ditu ateak, hurrengo urtera arte.
AHOTSENEA, SOLASALDIAK
10:30 Baloreak.
11:00 Jon Iñaki Lasa. Pertsonaiak (Pamiela).
11:30 Mari Luz Esteban. Andre zaharraren manifestua (Pamiela).
12:00 Rafa Egiguren. Txipiroiak bere beltzean (Susa).
12:30 Aritz Gorrotxategi. Amua (Elkar).
13:00 Ione Gorostarzu. Ez da erditzea (Elkar).
13:30 Pello Zabala. Natura labur mintzo (Alberdania).
14:00 Lorea Agirre eta Idurre Eskisabel. Trikua esnatu da (Susa).
16:00 Joxemari Iturralde. Jamaikako neska (Pamiela).
16:30 Castillo Suarez. Irautera.
17:00 Mixu. Sustraiak.
17:30 Maiatz 68 eta 69 aldizkariak.
18:00 Nanni Balestrini. Den-dena nahi dugu. Fernando Rey itzultzaileak aurkeztuta (Katakrak).
18:30 Uxue Alberdi. Kontrako eztarritik (Susa).
AHOTSENEA, ZUZENEKOAK
11:00 Aizkorak Zorroztu. Ezpata dantza.
11:40 GorriBaltz. Zuen gainean.
12:20 Assata. Dantzatu, madarikatuok!
13:00 Eztanda. Errua norena da?
13:40 Revolta Permanent. Lobotomiak.
14:20 Ibil Bedi. Berandu, baina garaiz.
15:00 Higa. Higa.
15:40 Fits. Zaurgarriari.
16:20 Antton Larrandaburu eta bitxiloreak. Ibilbide terapeutikoa.
17:00 Hiri Galduak. Ertzak.
17:40 Dientes de Luna. Atmosfera.
18:20 Nebrashka. Lawak.
19:00 Hil Norbait. Euskal Metal Fantasia
ARETO NAGUSIA
10:30 Durangoko Azokaren eragin ekonomikoaren azterketa (Gerediaga Elkartea eta Siadeco).
11:30 Ekologista naiz baina... nire eguneroko kontsumoa ingurumenaren aldekoa al da? Gorka Egia Arregi.
12:00 Bizkaiko Museoen 2019ko nobedadeak. Anton Erkoreka, Javier Barrio, Jon Ruigomez, Sorkunde Aiarza, Felicitas Lorenzo (Bizkaikoa).
12:30 Argi-izpiak txarrantxen artean. 14 begirada kartzela feminismotik birpentsatzeko. Maria Ruiz, Oihana Etxebarrieta, Laura Vara (UEU).
13:00 Kultur sorkuntzen dokumentazioa, etorkizunerako apustua. Mahaingurua. Idoia Gereñu, Ion Lopez, Maria San Sebastian, Gari Otamendi, Ixiar Eizagirre Gidaria: Nere Erkiaga Laka (Xenperlar Dokumentazio Zentroa).
14:00 Esku harriak: Oteizaren (h)aria. Beñat Ralla, Txakur Gorria, Xabi Paya (MugMus laborategia).
16:30 Loraldia festibala. Imanol Agirre, Amaia Ocerin.
17:30 Basabizitzaren deia. Nerea Azpurua, Lina Ugarte (Asociación Lectura Fácil - Euskadi Irakurketa Errea Elkartea).
18:00 Nazio ikurrak: egoera eta etorkizuna.
IRUDIENEA
11:00 Grufaloa. (55’). Haurrentzako zinema euskaraz. Zineuskadi.
12:00 Lur eta Amets (30’). Filmaren aurrerapen irudiak. Arteman. Joseba Ponce eta Imanol Zinkunegi. Lotura Films, Elkar, Ikastolen Elkartea eta Katxiporreta.
12:45 Orbainak (29´14´´). Film laburra – saiakera. Jorge Moneo Quintana.
13:30 Ez, eskerrik asko. Gladysen leihoa. (64’). Dokumentala. Bertha Gaztelumendi – Hiru Damatxo
18:00 DemaS.A. Lehiaketara aurkeztutako lanen emanaldia eta sari-banaketa. Euskaltzaleen Topagunea.
KABI@
11:00 BuruTek: burujabetza teknologikoa Euskal Herrian.
» 11:00 Zer da burujabetza teknologikoa?
» 11:20 Google eskolak kolonizatzen.
» 12:20 Hezkuntzan ere librezale. Aurkezpena.
» 12:30 BuruTek: etorriko diren erronken inguruko bilkura irekia.
16:30 Diseinu grafikoaren glosarioa. Aurkezpena. Nerea Ansa Bañuelos, Itziar Garzia, Jon Ander Garzia eta Ohiana Calparsoro. Antolatzailea: Alaiondo estudioa eta Usandizaga diseinua.
17:00 Egunean behin, mugikorrerako jokoaren arrakasta. Aurkezpena eta topaketa. Codesyntax.
18:00 Mauriziak ez du inor hil. Kontzertua. Ines Osinaga eta Lorea Argarate.
PLATERUENA
12:00 Hautsi bolumena. Bideoklipen zuzeneko saioa Azoka TB lantaldeak ekoiztuta.
20:00 Maider Zabalegi. Bidean diskoa aurkezten.
SAGUGANBARA
ARETO HANDIA
11:00 Aldo musikari. Ipuin kontaketa. 2-5 urte arteko umeak.
12:00 Etxe honetan. Liburu aurkezpena. Aintzane Usandizaga eta Asier Iturralde “Gaston”. 4-7 urteko umeak. (Pamiela)
13:00 Herensugeen itzulera: Sataripeko guda V. atala. Liburuaren aurkezpena. 8-12 urteko gaztetxoak.
15:00 Peter Pan, KALAFATE bilduma. Irakurketa errazeko liburua. 9-14 urteko gaztetxoak.
16:00 Animaliak eta Frutak (Ilargian kulukantari). Xabier Olaso. 1-5 urteko umeak. (Pamiela).
17:00 Marrazjaun eta Sorgina Txirulina. Euskal mitologia. Ikuskizuna. 6-12 urteko gaztetxoak.
18:00 Lo Potolo. Lotara joateko ipuinak eta poemak irakurtzea eta zuzenean marraztea. Eider Eibar, Leire Bilbao, Mitxel Murua, Juan Kruz Igerabide. 2 urtetik gorako haurrak (Alberdania)
19:00 Ilezuri eta koralaren disdira. Ipuin kontaketa. 5-10 urteko gaztetxoak.
ARETO TXIKIA
12:30 Poesiaren misterioa. Tailerra. Garazi Basterretxea eta Celeste Agüero. 7-12 urteko gaztetxoak.
SZENATOKIA
11:00 Espres mugimendua. Krego Martin Dantza.
11:45 Errimak bi oinetan. Haatik dantza taldea.
12:30 Espres mugimendua. Krego Martin Dantza.
13:30 Ortentsia izan nahi dot. Abarka antzerki taldea.
16:30 Espres mugimendua. Krego Martin Dantza.
17:15 Errimak bi oinetan. Haatik dantza taldea.
18:00 Espres mugimendua. Krego Martin Dantza.
18:30 Ortentsia izan nahi dot. Abarka antzerki taldea.
Zure interesekoa izan daiteke
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.
Zuloaren silueta hitzez marrazten
Harkaitz Cano eta Eider Rodriguez idazleek “Silueta” eta “Dena zulo bera zen” liburuak aurkeztu dituzte Durangoko Azokaren hirugarren egunean, hutsuneak mamitzeko bi ariketa literario zeharo ezberdin.
Israel Palestinan egiten ari den genozidioaren aurkako geldiunea egin dute Durangoko Azokan
Bisitari, sortzaile eta antolatzaile ugarik bat egin dute protestarekin, Israelgo Estatua Palestinan egiten ari den genozidioa salatzeko eta elkartasun mezua zabaltzeko.
Durangoko Azokak geldialdia egin du genozidioa salatzeko
Palestinako genozidioa salatzeko geldialdia egin du Durangoko Azokak. Kultura erdigunean jarri eta mugaz gaindiko elkartasun mezua zabaldu dute ehunka kulturazalek Landako Plazan egin duten ekitaldian.
Durangoko Azokako hamar bisitaritik bederatzik erosi egiten dute
Siadeco ikerketa etxeak Azokara bertaratzen diren sortzaile, eragile eta bisitarien profila eta portaera ikertu zuen iaz, 2024ko edizioan. Euskara eta euskal kultura bultzatzea da joateko arrazoi nagusia, eta iaz, batez beste, 55,19 euro gastatu zituzten bisitariek.
Gatibuk sorpresaz beteriko emanaldi batekin ekin dio agur kontzertu sortari
Gernikako taldeak abenduaren 13an utziko ditu eszenatokiak, BECen eskainiko duen hirugarren kontzertuarekin, abenduaren 6koaren eta 12koaren ostean. ETB1ek zuzen-zuzenean emango du azken emanaldi hori.
Juanito Oiarzabalen bizitzaren gorabeherak, dokumental batean jasota
Oiarzabal, entre Juan y Juanito Javier Alvarok zuzendu duen dokumentalak Juanito Oiarzabalen istorioa eta lorpenak kontatzen ditu. 14 zortzimilakoak oxigeno artifizialik gabe igo zituen hirugarren mendigoizalea izan zen, eta guztira 26 aldiz igo da zortzimilako batera. Mendi Film jaialdian aurkeztu dute dokumentala.
Nhil taldea, Ahotsenean
Musika beltza egiten duen taldeak "Etxea" diskoa aurkeztu du Musikaren Plazan, Durangoko Azokaren bigarren egunean.