Kikara bete elkartasun
Euskal Herriaren eta Lesbos Greziako uhartearen artean, txokolatezko zubiak eraiki: hori du helburu “Kikarakada”k, Galder Izagirrek (Diapositivisme estudioa), Oraitz Garciak (Zaporeak elkartea) eta Gaizka Izagirrek (Gaztezulo aldizkaria) gaur Durangoko Azokaren lehen egunean aurkeztu duten egitasmoak.
Lesboseko (Grezia) haur errefuxiatuei ezaguna zaie, ezagunegia akaso, Zaporeak gobernuz kanpoko euskal erakundeak egunero bertatik bertara ikusten duenez (han dago lanean, errefuxiatuei egunero otordu duin bat bermatzeko), itsas salbamenduko txalekoen laranja kolore bizia, eta kolore hori aukeratu dute “Kikarakada” proiektuaren ikur bihurtu den kikararako, txokolatea egiteko errezetak, haurren argazki ikusgarriak eta hainbat euskal sortzaileren testuak batzen dituen argitalpenaren arduradunek.
Galder Izagirrek azaldu duenez, txokolatea “zoriontasunaren elikagai unibertsala” da, eta, bertoko umeengan arazoak alboratu eta gozatzeko aukera eskaintzen duela ikusita, sentsazio hori gehiago behar duten haurrengana eraman zuten txokolatea, Lesbosera, bertako errefuxiatu eremu bateko umeentzat txokolatea dastatzeko jai bat antolatuta.
Esperientzia hori Galder Izagirrek irudiz jasota erakusten du orain “Kikarakada” Durangoko Azokan Gaztezulo aldizkariaren erakusmahaian salgai egongo den liburuak (liburua, 29 euroan; liburua eta kikara 35 euroan; eta kikara, hamar euroan); argazkioi hainbat euskal sortzailek (Fermin Muguruza, Harkaitz Cano, Ane Irazabal…) jarritako testuak (“denetarik dago, ipuinak, abestiak, poemak…”, azaldu du Izagirrek) eta hainbat euskal sukaldarik (Arzak, Aduriz, Subijana…) asmatutako errezetak gehitu dizkiote bilduma dotorean.
Proiektu honen bidez jasotzen den diru guztia (liburua edota kikara erosiz zein diru ekarpena eginez lagundu daiteke) Lesbosen lanean ari diren gobernuz kanpoko bi erakunderen esku utziko dute berorren arduradunek, gainezka dauden errefuxiatu eremuetan behinola txokolatezko irribarre bat irudikatu zuten umeak hezteko proiektuetara bidera dezaten.
Zure interesekoa izan daiteke
Bilboko Euskal Museoko sarrera doakoa izango da abuztuaren 22tik 30era, Aste Nagusia dela eta
Bisitariek erakusketa erdi iraunkorra ikusi, Ra Asensiren "Uhinak" proposamen garaikidea ezagutu eta "Bilboko erraldoiak" erakusketa tradizionalaz gozatu ahal izango dute.
Juan Tamariz magoa hil da, 83 urte zituela
Mundu osoan zen ezaguna, kartomagian, hurbileko magian eta mentalismoan espezializatua zegoen, eta bere ikuskizunetan humorea erabiltzen zuen.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.