Durangoko Azokako erosle bakoitzak 50 euro gastatzen ditu Landako gunean
2018ko Azokako 710 bisitariri eta erakusmahaia paratu zuten ehun eragile baino gehiagori egindako galdeketa horrek erakutsi duenez, Durangoko Azokaren eragin ekonomikoa 5.848.000 eurokoa da, "zuzeneko, zeharkako eta induzitutako" gastuak zenbatuta.
Bisitariek 1.737.000 euro gastatu zituzten iazko Azokan, Landako gunean: % 60 liburuetan eta % 30 diskoetan. Batez beste, Landakon erosketaren bat egin zuen bisitari bakoitzak (erosketarik egin ez zutenak ez dituzte azterlanean sartu) 49 euro gastatu zituen Landakon, eta Azokatik kanpora, Durangoko ostalaritza, merkataritza eta zerbitzuetan, 28 euro.
Bisitarien profilari dagokionez, azterlan horren arabera, bisitarien gehiengo zabala 45 urtetik beherakoa da: 26- 45 artekoak dira bisitarien % 47, eta 18 eta 26 urte artekoak dira %20 (16 urtetik beherakoen daturik ez da jaso).
Juanjo Allur (Siadeco), Nerea Mujika Gerediaga Elkarteko presidentea eta Arantza Atutxa (Gerediaga)
Gehienak emakumeak dira, eta Bizkai (%48) eta Gipuzkoatik (%37) etortzen dira batez ere. Hamar bisitaritik bederatzi euskaldunak dira.
“Euskal kulturari bultzada eman”
Durangoko Azokara etortzeko zergatien artean, honakoak dira bisitariek gehien aipatu dituztenak: “euskara eta euskal kulturari bultzada ematea”, “euskal kulturarekim lotutako giroaz gozatzea” eta “euskal kulturako produktuen berri izatea”.
Eragileei dagokionez, 2018ko salmentetan Durangoko Azokak % 22ko pisua izan zuen urteko fakturazioan, batez beste. Gainera, Azokak ematen duen ikusgarritasuna nabarmendu dute.
Erosle-saltzaileek Azokari jarritako notari dagokionez, oso ontzat jo dute azoka: bisitarien % 70ek oso balorazio ona egin du, eta % 27k ona; eragileen artean, % 82k balorazio oso ona edo ona egin dute.
Albiste gehiago kultura
Beste kontzertu bat emango du La Oreja de Van Gogh taldeak BECen
Donostiako taldeak 2026ko birako sarrerak agortzen eta data eta leku berriak iragartzen jarraitzen du. Abenduan BECera itzuliko dira.
Oteizaren unibertsoa, Euskal Herrian barrena
Jorge Oteiza eskultorea jaio zela 117 urte beteko dira gaur, eta urteurrena baliatuko dute "Danok Oteiza" elkartea aurkezteko, artistaren eta haren ondarearen inguruan jaioko den ekimen berria. 11:00etan egingo dute prentsaurrekoa, Oteiza Museoan, Altzuzan. Euskal Herrian zein mundu osoan da ezaguna oriotarraren obra.
Lekeitioko 48. Euskal Zine Bilerak Urrezko Antzarra eta Zilarrezko Antzarra eman ditu
Film onenaren saria Eneko Muruzabal Elezcanoren “Planetagatik” lanak irabazi du, "film borobil eta jostaria" osatzeagatik. Zuzendari onenaren saria Aitzol Saratxagak jaso du, “Ehiza” filmean egindako lanagatik. EITB Ikuslearen saria, berriz, Mikel Balerdi eta Deñe Garcia-Bravoren “Eraman zutela” lanak eskuratu du.
Maren Galvezek eta Gorka Granadok irabazi dute 49. Euskal Herriko Dantza Txapelketa
Maren Galvez Garmendiak eta Gorka Granado Terronesek osatutako bikoteak irabazi du 49. Euskal Herriko Dantza Txapelketa, Seguran. Bikoteak bigarrenez irabazi du txapelketa, 2021ean ere irabazi baitzuen.
Durangoko Azoka 60. edizioari begira, “Kulturaren Jaialdia” leloari helduta
“Kulturaren Jaialdia” lerroburua erabiliko du aurrerantzean Durangoko Azokak, eta Iratxe Reparaz arduratu da 60. edizioaren iruditegi berriaz.
Sitgesen lehiatuko da "Singular", Alberto Gastesiren bigarren film luzea
Duela hamar urte garatzen hasi zen zientzia-fikziozko drama humanista bat da. Adimen Artifizialaren eta giza doluaren mugak aztertzen dira EITBk babestutako lan horretan. Sitgesko jaialdiko sail ofizialean lehiatuko da Alberto Gastesi eta Alex Merino donostiarrek idatzitako filma.
Lara Izagirreren "El regalo" film laburrak lehen saria eskuratu du Berlinen, Ake Dikhea zinema-jaialdian
Bilboko Otxarkoaga auzoko hiru emakumerekin grabatutako film laburrak ijitoek pairatzen duten diskriminazioa du ardatz.
Paul Urkijok "Gaua" film berria aurkeztu du Sitgesko jaialdian
Zuzendari gasteiztarrak bere hirugarren lana aurkeztu du. EITBren babesa duen film honek patriarkatuaren boterea eta emakumeen arteko enpatia erakusten ditu, XVII. mendeko sorgin ehiza ardatz hartuta. Azaroaren 14an iritsiko da zinema-aretoetara.
EzBerdin Berdinak esperientzia artistikoa biran, Eusko Ikaskuntzaren eskutik
Kukai Dantza Taldeak eta hainbat diziplinatako euskal sortzaileek egingo duten ikuskizunaren emanaldiak urriaren 24an Bilbon hasi, eta abendura bitartean taularatuko dituzte.
Fermin Muguruzaren "azken akelarre antifaxista"
Navarra Arenan agurtu zuen larunbatean bere nazioarteko bira abeslari irundarrak, 11.000 jarraitzaileren aurrean. Bere musika ibilbideari errepasoa egin, eta Iñigo Cabacas eta Aitor Zabaleta izan zituen gogoan atzokoan, bai eta palestinar herria ere.