"Euskararen gramatika" aurkeztu du Euskaltzaindiak Durangoko Azokan, "euskararen XXI. mendeko gramatika"
Euskaltzaindiaren Gramatika Batzordea 1980an abiatu zuten, eta hamaika urte geroago "Euskal Gramatika Lehen Urratsak" (EGLU) saileko lehen liburukia argitaratu zuen Akademiak, perpaus bakunei buruzkoa; sei liburuki gehiago etorri ziren gero, 2011ra arte (aditza, lokailuak, juntagailuak eta mendeko perpausak 1, 2 eta 3).
Orain, EGLU lanaren azken liburukia argitaratu eta hamar urtera, "Euskararen gramatika" lana aurkeztu du Akademiak, auzo hizkuntzetakoen pareko "gramatika duin eta homologagarria", Miren Azkarate euskaltzain osoak, sorreratik Gramatika Batzordearen kide den hizkuntzalariak, gaurko ekitaldian azaldu duenez.
Azkaratek zehaztu duenez, milana orrialdeko bi liburukiko lan berria ez da orain arteko argitarapenen laburpen soila, ezpada egun hizkuntzalaritzan ondo hedatuta dauden kontzeptuak barneratu dituen euskararen gramatika berria. 1990etik ikertzaileek hitzetik hortzera darabiltzaten kontzeptu teorikoak gehitu zaizkie orain arteko ikerketei, hala nola flexioa, argumentu egiturak, ergatibitatea, aditz inergatiboak eta inakusatiboak, paper tematikoak, aditz psikologikoak…
Horren ildotik, "Euskararen gramatika"n "deklinabide" eta "kasu sistema" kontzeptuak bereizi dira; hitz ordena aztertzeko, "sintaxi egitura" eta "informazio egitura" bereizi dira, ikuspegi zabalago batez; EGLUren lehen bi liburukietan izenari, adjektiboari, izenordainei, adberdioei eta determinatzaileei eskainitako kapituluak goitik behera aldatu dira…
Lanaren berrikuntzen artean, gai aurkibide zabala (100 bat orri) azpimarratu du Azkaratek, 2 urtez landu duten arloa. "Adituek, ikasleek eta ikertzaileek aterako diote etekin gehien lanari, baina beste askok ere aurki dezakete informazioa gai aurkibideari esker. Demagun bait- menderagailuari buruz gehiago jakin nahi dugula, nahikoa dugu aurkibidera jo", azaldu du Miren Azkaratek.
Gainera, adibideak ugari daude testuan, eta gehienak XXI. mendeko corpusetatik hartu dituzte "hurrengo hamarkadan erreferentzia izan nahi duen lanean".
2.000 orriko bi liburutzarrek izutuko dituztenei mintzatu zaie Adolfo Arejita euskaltzain osoak, ekitaldia irribarre batez bukatzeko: "Umorez hasiz gero, entretenigarria eta maitagarria da gramatika".
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.