Badago beste zinema baina ez da zinema saloietan
Joandako garaietan seko iltzaturik geratu diren horiek tematsu darabilten leloa da. Iragan minez, orainean desoseguz bizi direnen arkanbele kanta. Bide, omen, ei, zinema ezin da ikusi pantaila handietan baino.
Printzipioz, zinemak elikaturik bizirik irauten dugunok ados izan beharko genuke. Printzipioz, bueltarik ez duen esaldia ematen du. Aro laiko honetako Zorionbide berri antzeko zerbait: Zorionekoak zinema pantaila handietan ikusten dutenak beraiek baino beste inork ez baitu ezagutuko zinemaren maiestatea.
Atrebentzia handiz diotsuet bat ez natorrela. Lehenik eta behin, gero eta txikiagoak dira gure etxe ondoko aretoetako pantaila handiak. Aspaldi zaharrean bota zituzten higiezin eta hirigintzako handi-mandiek zinema jauregiak eta zutik zirauten gutxi horiek orain asko bilakatu ziren multiaretoak.
Bene-benetako pantaila handirik bilatzeko, Parisen edo Berlinen gorde-aldare bezala babesturiko zinema tenpluetara jo behar, sarri bertako herritarrek borrokaz eta diru bilketaz salbaturiko saloietara.
Bestalde, geratzen diren areto korrienteetan ez da estreinatzen eta ez da inoiz estreinatuko gure etxe ondoan eta mundu zabalean egiten den zinema guztia, zinema berri oro, ausardia osoz sortutakoa, irudiaren ertzetatik at eta harago egina den hori, jende makina baten sosa txikiekin aurrera ateratakoa. Ez, zinema hori ez da gure plazetan, gure merkataritza-gunetan dauden zinema-gelatan, txokoetan zabalduko. Inoiz ez.
Negar egingo luke amak baleki? Ez luke ba zertan malkorik bota behar. Badira irteera majoak. Badira gordeleku primerakoak. Badira handiak ez diren pantaila handietan estreinatzen ez den zinemaren alde gogor eta gogoz borroka egiten duten zaldun eta kameradun prestuak. Eta barkatuko didazue heretiko samar jotzegatik, baina gerlari horiek zuen etxeko pantaila txikitxoetan dihardute duelu ederrean; zin degizuet. Etsenplu, Rotterdam, Donostia eta Malagako Zinemaldietan jendea ahoa bete hortz eta begiak bete harridura utzi zuen Ainhoa Rodriguezen Destello bravío Filmin plataforman dago zuenean.
Irudiz, soinuz, planoen konposizioaz, paisaiari darion tristuraz, pertsonaien izaeraz atrebentzia aparta, bikaina, muturrekoa den zinema puska hori zuen egongelan, zuen Home Zinema delakoan duzue dastagai. Sekula ez dugue areto arruntetan aurkituko. Hobe, guk babestuko dugu. Gurean.
Gauza bera gertatuko da bihar etxeko pantailetan estreinatuko diguten Agustí Villarongaren El ventre del mar zuri-beltzeko itsaso poema minduarekin. Zorionekoak etxean pantaila txikia dutenak, beraiek ikusiko baitute zinema ikusezina.
Zure interesekoa izan daiteke
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko du Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.