Jeremy Renner aktorea egoera kritikoan, bere arrantxoan elurra kentzen ari zela istripua izan ostean
Jeremy Renner Marvel unibertsoko izarra "egoera kritikoan, baina egonkor" dago, iragan igandean istripu bat izan ostean. Belatz-begi/Clint Bartoni UCMn bizia ematen dion aktorea elurra kentzen ari zen bere Mt Rose-Ski Tahoe arrantxoan (Renotik hegoaldera, Nevada) istripua gertatu zenean.
Istripua izan ondoren, aktorea helikopteroz eraman dute ospitalera. Rennerrek arrantxo bat du Tahoe aintziran, Nevadako mendilerroan. Urtezahar gauean neguko ekaitzak astindu zuen eskualdea, eta 35.000 etxe argindarrik gabe utzi zituen.
AEBko zati handi batean "mendeko ekaitzak" jo du azken astean, eta gutxienez 60 pertsona hil dira herrialde osoan.
Abenduaren 13an, Rennerrek elurraren argazki bat partekatu zuen Twitterren, esaldi honekin batera: "Tahoe lakuko elurtea ez da txantxetakoa".
51 urteko Renner bi Oscar sarietarako izendatua izan da bere ibilbidean zehar bere lanengatik, 2010ean aktore protagonista onenaren sarirako hautagai izan zen 'Artezilariak' filmarengatik eta urtebete geroago antzeztaldeko gizonezko aktore onenaren sarirako hautagai izan zen 'The Town' filmean egindako lanagatik.
'Mission: Impossible' frankizia zinematografikoan eta 'La llegada', 'Wind River' eta 'Amerikar iruzur handia' filmetan ere lan egin du. Baina, zalantzarik gabe, publiko zabalarentzat Renner Clint Bartonen aurpegia da, arkuko superheroia eta Marvelen filmetan Belatz-begi izenez ere ezagutzen dena. Bost zintatan antzeztu du pertsonaia honek bere telesail propioa ere izan zuen, 2022ko azaroan Disney+en argitaratu zena.
Renner laster agertuko da 'Mayor of Kingstown' telesailaren bigarren denboraldian, eta bi aste barru hasiko da emititzen.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.