Loraldiak "munduari begiratzeko modu bat" zabaldu nahi du 10. edizioan
Loraldia Bilboko jaialdiak 10 urte beteko ditu aurten, eta "euskaratik sortzen den mundua ikusteko begirada propioa" erakutsi nahi du ostera ere, martxoaren 1etik 23ra. 28 ekintza prestatu dituzte gutira: 120 artista jardungo dira, Biboko 13 espaziotan.
"Munduari begiratzeko modu bat" leloa izango du aurten Loraldiak, "Zaharregia, txikiegia agian" Kirmen Uribek, Mikel Urdangarinek, Rafa Ruedak, Bingen Mendizabalek eta Mikel Valverdek duela hogei urte egindako ikuskizun eta diskoa jasotzen den esaldia gogoan, eta, hain zuzen, sortzaileok berriz ere taularatuko dute errepertorio hori, martxoaren 13an, Arriaga antzokian.
Bertsolaritza, teatroa, musika, zinema, dantza eta ikus-entzunezkoak programatuko ditu Loraldiak, artista hauen eskutik, besteak beste: Kirmen Uribe, Jon Sarasua, Lorea Agirre, Miren Narbaiza, Toti Martinez de Lezea, Mikel Urdangarin, Nerea Arrien, Jon Maia, Rafa Rueda, Patxo Telleria… besteak beste. 120 sortzailetik gora, guztira.
Loraldia Festibalak sortzaile gazteen egitaraua ere izango du publikoaren gozagarri, Loraldia Terminala izenburupean: Araitz Katarain, Izaro Bilbao, Iñigo Xalbador, Janire Arrizabalaga, Amaiur Luluaga, Eñaut Zubizarreta...
Festibalerako piezak
Loraldiak produkzio propioak ekoitzi ditu aurten ere, eta jaialdian estreinatuko dituzte: Gorputzaren atzean teatroa, dantza eta ikus-entzunezkoa nahasten dituena, Katixa Agirreren gidoiarekin (martxoak 3, Azkuna Zentroa); Goroldiorik ez. Andreak eraztun berdean mendi ibilaldi kultural gidatua (martxoak 16); Bihar, Atzo, Gaur, Bihar ikuskaria, bertsolaritza, musika eta literatura uztartzen dituena Iban Zalduaren, Ibil Bediren, Miren Artetxeren, Alaia Martinen eta Amaia Agirreren eskutik (martxoak 17).
Horrez gain, musika izango da: Sustraien Matxinada, Gorka Hermosa, Garikoitz Mendizabal, Toti Martinez de Lezea, Nerea Arrien eta Leire Bilbaoren eskutik (martxoak 5, Bidebarrieta), Neomak, Ai gure juaneteak! Patxo Telleriaren proposamen berria, Jean Mixel Bedaxagar, Kantu berri bat gara Jon Maiaren proiektua…
Euskara Bihar berbaldi-saioak ere izango dira, Jon Sarasuak, Xan Airek eta Gartzen Garaio Atxurrak euskarari buruz berbetan entzuteko eta, martxoaren 10en Guggenheimen, Ainara Lasa. Amagoia Gurrutxaga, Idurre Eskisabel. Lorea Agirre, Miren Narbaiza, Miren Amuriza eta Lizar Begoñaren arteko solasaldia.
DadaüLala eta Arma Tiro Pum teatro piezak ere estreinatuko dira Loraldian (martxoak 10, La Fundición), eta ikusi ahalko dira, halaber, Artxibo Biluzia ekintza eszenikoa, Mitologia Txikia Bilaka kolektiboaren ikuskizuna (martxoak 19, Azkuna Zentroa), AMAraun Oihana Iguaranen proposamena eta Bizkarsoro Josu Martinezen film luzea.
Geure(R)a ikuskizunarekin agurtuko dute Loraldia Festibalaren 10. edizioa, martxoaren 23ean, dantza bertikala eta bideo-mappinga uztartzen dituen ikuskizunarekin: "nortzuk dira gaur egun sorginak? nortzuk dira zapaltzen dituztenak?" galderak zabalduko ditu.
Bezperan, martxoaren 22an, talentu berriarentzako espazioa zabalduko du Loraldiak. Tartean, Sarri min ematen du akordatzeak ekitaldian, Ibarrekolandako Batxilergo artistikoko ikasleek Joseba Sarrionandiaren mundu literarioan oinarrituta egin duten ikuskizuna erakutsiko dute.
Zure interesekoa izan daiteke
Bilboko Euskal Museoko sarrera doakoa izango da abuztuaren 22tik 30era, Aste Nagusia dela eta
Bisitariek erakusketa erdi iraunkorra ikusi, Ra Asensiren "Uhinak" proposamen garaikidea ezagutu eta "Bilboko erraldoiak" erakusketa tradizionalaz gozatu ahal izango dute.
Juan Tamariz magoa hil da, 83 urte zituela
Mundu osoan zen ezaguna, kartomagian, hurbileko magian eta mentalismoan espezializatua zegoen, eta bere ikuskizunetan humorea erabiltzen zuen.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.