Albaola Itsas Kultur Faktoria 'National Geographic' aldizkariaren "+Historia" sarietarako izendatu dute
Pasaiako Albaola Itsas Kultur Faktoria museoa "+Historia" sarietarako izendatu du National Geographicek. Sari horrekin kultura eta ondarea sustatzeko eta zabaltzeko egindako lana aitortzen dute. "Kondaira historiko bat eskaintzen du museo horrek, zehaztasun zientifikoa, zinezkotasuna eta kalitatea ardatz, bisitarien aurrean egurrezko itsasontziak eraikitzen eta konpontzen", azaldu du aldizkariak izendapenean.
Sei kategoria ditu aipatu sariak, eta herri kulturaren museo onenaren golardoa lortzeko lehiatuko da Albaola. Sari horrek proposamenaren "originaltasuna" eta "ohiz kanpoko ekimen bat bideratzeko prozesua" baloratzen ditu.
San Joan ontzia eraikitzeko lana goratzeaz gain, aldizkariko arduradunek Faktoriaren eredu "berritzailea" nabarmendu dute. "Sortu zutenetik itsas ondarearen erreferente bihurtu da toki hori nazioarte mailan, eta bertan lan egiteko duten moduak iraultza ekarri du", adierazi dute.
National Geographic garrantzitsua izan da Albaolaren historian. 1985ean, San Joan ontziaren historia ezagutzera eman zion munduari. Albaolako arduradun Xabier Agotek azaldu duenez, itsasontzi horren berri izan zuenean, "berehala" jakin zuen "historia aparta" zela, eta sentitu zuen "haritik tiraka" jarraitu beharra zeukala euskal baleontzien historia eraikitzen jarraitzeko.
2018an kaleratutako erreportaje batean, luze eta zabal idatzi zuten aldizkari horretan Pasaiako faktorian eraikitako galeoiari buruz, eta bi urte geroago, "Albaola, euskal baleontzien memoria berreskuratzen dabilen ontziola" izeneko erreportajea argitaratu zuen Viajes aldizkariak.
Zure interesekoa izan daiteke
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.
Zuloaren silueta hitzez marrazten
Harkaitz Cano eta Eider Rodriguez idazleek “Silueta” eta “Dena zulo bera zen” liburuak aurkeztu dituzte Durangoko Azokaren hirugarren egunean, hutsuneak mamitzeko bi ariketa literario zeharo ezberdin.