Tabakalerak 'ikusgarritasuna' bilatuko du 2014 'trantsizio' urtean
Tabakalerarentzat, 2014. urtea trantsiziozkoa izango da, eta Kultura Garaikidearen Nazioarteko Zentroa "ikusgarri eta identifikagarriago" erakutsi nahi dute aurten donostiarren begietara, 2015ean Egiako tabakotegi zaharreko behin betiko egoitza ireki aurretik.
Ordura arte, Ane Rodriguez Tabakalerako kultura zuzendariak gaur prentsaurrekoan azaldu duenez, etorkizunean garatuko dituzten zerbitzu eta programetako batzuk abiatuko dituzte.
2014aren hastapen hauetan, webgune berria martxan jarri, eta behin-behineko egoitza bat ireki dute: Sukaldea espazioa Atotxako dorrearen etxabean dago, Kultura Garaikidearen Nazioarteko Zentroa hartuko duen eraikinetik (zaharberritzen ari dira) metro gutxitara.
Tabakaleran iaz egindako lanen laburpen ikusgarria
Sukaldea izeneko zentro horretan arituko dira bien bitartean proiektua gorpuzten, 40 eta 70 metro koadroko bi areto baititu, aurkezpenak, proiekzioak, mintegiak eta mahai-inguruak antolatu eta "ideien trukea eta egitasmoen sorkuntza pizteko egokiak".
2015etik aurrera eraikin berrian izango diren jarduerak "eskalan" ikusteko modua izango da, beraz. 2013a ere etorriko denaren "atariko" gisa planteatu zuten: EgiaMapa, Irudimenezko Hiria mintegia, Santa Klara uharteko argazki erakusketa, Arkitekturaren Astea... egin zituzten iaz, bide horretan.
Tabakalerak suhiltzaileen egoitza zaharrean gauzatu zuen iaz Hirikilabs proiektua, kultura digitalarekin eta Sareko gizartearekin lotutako sormen laborategiak, eta, aurten ere, Donostia 2016ren espazio hori erabili ahalko du, hiri mailako ikerketa eta ikasketa proiektuak gauzatzeko.
Laborategiak 2014ko jardueren ardatzetako bat izango dira, bada, eta, horiekin batera, ikus-entzunezko lanak ematen, pentsamendu garaikidea eta praktikak sustatzen eta Mediateka zabalik izaten jarraituko dute.
Ane Rodriguezek, Victor Iriarte ikus-entzunezkoen programaren arduradunak, Arantza Mariscal Mediatekako arduradunak eta Joxean Llorente laborategien arduradunak urtarril eta otsailerako programak aurkeztu dituzte.
Artxiboetako materialak eguneratzeko mintegia, Clermont-Ferrandeko zinemaldiko sail esperimentaleko filmen proiekzioa (Antzoki Zaharra), zinema aretoetara heltzen ez diren filmak Antzoki Zaharrean erakusteko ekimena... Tabakalera proiektuarentzat "oso garrantzitsua" izango den urtea hasteko agendan dituen ekimenetako batzuk dira.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.