Tabakalera irailaren 11n irekiko dute orainaldira eta iraganera begira
Kultura garaikideko Donostiako zentroak, Tabakalerak, irailaren 11n irekiko ditu ateak aste guztia barne hartuko duten ekitaldiekin. Ekitaldi horiek orainaldira eta etorkizunera begiratzeko egitasmoaren bokazioarekin bat etortzeaz gain, iraganari ere keinuak egingo dizkiote.
Irekiera-ekitaldi ofiziala 18:30ean egingo da, eta, ondoren, inaugurazio-programako lehendabiziko ekitaldi nagusiaren txanda iritsiko da: erakusketa-aretoaren inaugurazioa. Hala azaldu du Ana Rodriguez Tabakalerako kultura zuzendariak gaur goizean emandako prentsaurrekoan.
Egun berean irekiko duten beste espazio bat bodega izango da. Toki hori hautatu dute eraikin enblematikoari buruzko atzerabegirakoa egitekoa.
Horren ostean, 19:00etan, Tabakalerako ateak publikoari zabalduko zaizkio. Herritarrek bi eratara ezagutu ahal izango dute eraikina: euren kabuz edota hainbat artistak prestatutako ibilbideak jarraituta. Hastapen-jardunaldia plazan eta zabaltzan egingo den jai batekin amaituko da, Chico Trópico eta AMI PLIN disko-jartzaileen eskutik.
Larunbatean Tabakalerako beste gune nagusietako bat jarriko da abian: zinema-aretoa. Kasu honetan ere hiriari lotutako sormen artistikoari begira ekingo dio; horrela, "Un, dos, tres, al escondite inglés" filma proiektatuko dute. Iván Zulueta Zinemagile donostiarrak 1969an zuzendutako zinta, hain zuzen ere.
Asteburuan zehar teknologia eta kultura digitala oinarritzat dituen Hirikilabs izeneko laborategiak ere bere ateak irekiko ditu. Orain arte 2016ko kultura hiriburuaren bulegoan zegoen kokatuta.
Ane Rodriguezek azaldutakoaren arabera, irekiera-ekitaldiaren egunerako Euskal Filmategia eta Etxepare Institutua dagoeneko Tabakaleran instalatuta egongo dira; aitzitik, Kutxaren erakusketa-azoka berria geroago jarriko da martxan, baina urte honen barruan.
Tabakalerak, publikoari zuzendutako jarduera-programa eskaintzeaz gain, ekoizpen artistikora bideratutako zentroa izan nahi du, eta bere eguneroko funtzionamendu arruntan ez da urrira arte ikusi ahal izango, irailean zehar Donostiako Nazioarteko Zinemaldiko Zabaltegi saila hartuko baitu, baita Zinemagintza Ikasleen Nazioarteko Topaketa ere.
Zentroaren beste proiektu garrantzitsuetako bat, Ubik deitzen den sormen-liburutegia, ez da abendura arte abian jarriko. Horri ekin ostean, Tabakalerako arduradunek aurreikusten dute proiektu guztia datorren urte hasierarako egongo dela osorik martxan. Urte horretan, Europako Kultur Hiriburua izango da Donostia.
Azkenik, Ane Rodriguezek jakinarazi du 2016ko otsailera arte ez dela martxan egongo eraikinean egongo den hotela.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.