Urkullu: 'Tabakalera Donostia 2016 erronka handiarentzako bultzada da'
Tabakalera kultura garaikidearen nazioarteko zentroa Donostia 2016 “erronka handiarentzako bultzada” izango dela ziurtatu du gaur Iñigo Urkullu lehendakariak. Era berean, “etorkizunerako erronka bat” eta Euskadirentzako “aukera” bat dela adierazi du buruzagiak.
Tabakalera zabaltzeko ekitaldi instituzionalean egin ditu adierazpenak lehendakariak. Tabako fabrika zaharra kulturaren nazioarteko zentroa bilakatu da. 37.000 metro karratuko lantegia 1913an eraiki zuten.
Inaugurazio ekitaldia datorren ostiralera arte luzatuko da; izan ere, orduan publikoarentzako ofizialki zabalduko dute. Jon eta Naiara Montero Kataluniako arkitektoek eraikina birmoldatu dute. Inaugurazio instituzionalean Bakartxo Tejeria Eusko Legebiltzarreko presidentea eta Cristina Uriarte Kultura sailburua izan dira, besteak beste.
Tabakalerako inaugurazio instituzionala. Argazkia: EFE
Era berean, Markel Olano Gipuzkoako ahaldun nagusia, Eider Mendoza Gipuzkoako Batzar Nagusietako presidentea, Eneko Goia Donostiako alkatea eta Pablo Berastegui Donostia 2016ko zuzendaria ekitaldian izan dira. Ane Rodriguez Tabakalerako zuzendaria anfitrioia izan da.
Denis Itxaso Kultura diputatua eta Juan Karlos Izagirre Donostiako alkate ohia inaugurazioan izan dira.
Iñigo Urkulluren hitzetan, Tabakalera “proiektu irekia” da eta “kultura ekoizteko lantegi” bat eta “berrikuntza eta sormenerako ekosistema bat batzen” ditu, “nazioarteko erreferente bat izateko helburuarekin”.
Iñigo Urkullu lehendakaria eta Cristina Uriarte Kultura sailburua Tabakaleran. Argazkia: EFE
“Kultura sormenerako” faktoria
Bestalde, tabako lantegia “kultura sormenerako” faktoria bihurtzea garrantzitsua dela azpimarratu du Markel Olano Gipuzkoako ahaldun nagusiak. Donostia euskal kulturaren “edukien” sustatzaile izateko balio behar duela erantsi du Olanok.
Donostia “Europako kulturaren hiriburua izateko ez-ezik, kultura Donostian nagusi izateko” lan egiteko beharra nabarmendu du Eneko Goia hiriko alkateak.
Tabakalera “Gipuzkoa, Euskadi eta Espainiako erreferentea” bihurtzeko apustua egin du Denis Itxaso Gipuzkoako Kultura diputatuak, “baina nazioarteko eta Europako kultura testuinguruan kokatuz ere, datorren urteko aukera aparta delako”.
Zure interesekoa izan daiteke
David Hockney britainiar artista zendu da
Margolariak, Erresuma Batuko pop artearen izen handietako batek, 88 urte zituen.
Zabalik dago Euskal Museoa
Bilboko museo zaharberrituaren ateak gaur goizean ireki dituzte, hainbat urteko lanen eta 20.397.401,53 euroko inbertsioaren ostean. Hamar egunez, sarrera doakoa izango dute herritarrek.
Xabier Paya Bilbao Bizkaia Museoak erakundearen zuzendari nagusi izendatu dute
Sorkunde Aiarza Bilbao Bizkaia Museoak erakundearen zuzendari kudeatzailearekin batera jardungo da Paya Euskal Museoa Bilbao, Bilboko Berreginen Museoa eta San Frantziskoko komentuko aztarnategia kudeatzen dituen erakundea gidatzen.
Bilboko Euskal Museo berritua ekainaren 10ean irekiko dute eta sarrera doakoa izango da hamar egunez
Zaharberritze arkitektoniko zein museografiko sakon baten ondoren, ekainaren 21era arte herritarrak doan sartu ahalko dira Euskal Museora, Bilbon. 50.000 piezako bilduma erakusteko espazioan 20.397.401,53 euroko inbertsioa egin dute Bizkaiko Foru Aldundiak eta Bilboko Udalak, eta proiektuak 5.000 m2 baino gehiagoko erakustokia irabazi du.
Jasper Johnsen 134 lan bildu ditu Guggenheimek
Estatubatuar artistak zazpi hamarkadako ibilbidean eginiko lanaren atzer begirako erakusketa antolatu du Bilboko museoak. Urriaren 12ra arte, "Night driver"bildumak pinturak, eskulturak, marrazkiak, grabatuak, liburu bat eta eszenografia bat eskainiko dizkio bisitariari.
Bilboko Euskal Museoaren inaugurazioa
Jarraitu zuzenean Bilboko Euskal Museo berrituaren inaugurazio ekitaldia.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
"Vivre Sa Vie. Georges Dambier eta Moda" erakusketa, Cristobal Balenciaga museoan
Georges Dambier argazkilariaren 77 irudik osatzen dute erakusketa. Ikuspegi aitzindaria izan zuen Dambierrek 50eko hamarkadan: modeloak kalera atera zituen, eta estudioko argazkien konbentzio zurrunak apurtu zituen. Erakusketa bihartik abenduaren 13ra arte egongo da ikusgai Cristobal Balenciaga museon, Getarian.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.