Tabakalera, etorkizun handiko ekosistema artistiko garaikidea
Diziplina anitzeko artista garaikideek sortzeko eta elkartzeko txoko berria dute atzoz geroztik: Kultura Garaikidearen Nazioarteko Zentroan, Donostiako Tabakaleraren eraikinean, hain zuzen ere.
Guztira, 37.000 metro karratu baino gehiago izango dira, xede izanik kultura garaikidea sortzea, irakastea eta ezagutza partekatzea. Gainera, Etxepare Euskal Institutuak, Euskadiko Filmategiak eta Donostiako Zinemaldiak bertan izango dute egoitza berria.
Bestalde, areto anitz ditu eraikinak, tartean, leku berean bizitzeko eta sortzeko artistentzako hotela, kultura digitalerako eta teknologiarako Hirikilabs laborategia, eta Ubik liburutegia. Esparru horrek euskal bideojokoaren historiaren inguruko proiektua hartuko du, besteak beste.
Duela egun batzuk erakunde instituzionalek Tabakalera inauguratu ostean, herritarren txanda izan da ostiral honetan, irailak 11. Inaugurazioa jendez gainezka egon da, eta ilara luzeak nonahi izan dira. Aretoen zabalerak eta azken solairuko ikuspegi panoramikoak bisitariak liluratu dituzte. Hori guztia ate irekien egunaren arrakastaren isla izan da.
Zuzeneko perfomance-ak
Dena dela, hutsik dauden inauguratu berriko eraikinen sindromea egotzi diezaiokegu Tabakalerari. Areto handiak era argiz betetakoak ditu, momentuz hutsik, eta bertan martxan jarriko dituzten proiektuak ezagutzera ematen dituzten kartelak daude irakurgai. Hori dela eta, itxaropen sentimendua nagusitu daiteke herritarrengan, Tabakalerak gauza asko eskaini ditzakeelako baina, egun, gauzatu gabekoak baitira.
Hala eta guztiz ere, artearen kutsua aretoetan jada sentitu daiteke, eta horretan lagundu dute zuzendaritzak prestatutako performance-ek: zuriz jantzitako emakume-gizonek eskaileretako eskubandak musukatzen, begiak estalita aretoetatik igarotzen…
Tabakalerak itxaropen handiak piztu ditu, baina bertan garatutako proiektuek erakunde instituzionalen babesa jaso beharko dute halabeharrez. Gainera, atzerriko artistak hartzea eta tokiko sorkuntza sustatzea izango dira beste oinarrietako bi.
Zure interesekoa izan daiteke
Bilboko Guggenheim, munduko zazpi mirari garaikideetako bat izateko bidean
Guggenheim Bilbao Museoak, aro garaikideko obra enblematikoa izateaz gain, Bilbo nazioarteko kultura-erreferente gisa kokatzea ahalbidetu du, eta eragin sakon zein onuragarria izan du inguruko turismoaren, ekonomiaren eta gizartearen garapenean.
Guggenheim Bilbao Museoak "66-76-26" iragarri du, Steve McQueenek museoarentzat sortutako lana
Instalazioak aurrez aurre jartzen ditu hamarkada batez bereizitako Nina Simoneren (1966) eta David Bowieren (1976) "Wild is the Wind" interpretazio mitikoak.
Ertibil erakusketaren 44. edizioak 18 artista berriren lanak bildu ditu
Rekalde aretoan zabaldu dute Bizkaiko artista berriei laguntzeko erakusketa ibiltaria. Urriaren 18ra arte egongo da Bilbon, eta handik Barakaldora (urriak 21-azaroak 5), Basaurira (azaroak 6-29) eta Igorrera (azaroak 30-abenduak 30) egingo du. Lehen, bigarren eta hirugarren sariak Estela Miguelek eta Markel Gonzalez Elezkanok, Natalia Suarez Ortiz de Zaratek eta Jone Elorriaga Sotok irabazi dituzte.
"Uhinak": Ra Asensiren erakusketa Bilboko Euskal Museoan
2026ko uztailaren 8tik abenduaren 28ra bitartean bisitatu ahal izango da, Miserikordia eraikineko Kukula espazioan. Kantauriko algekin eta oxidoekin egindako beiraztatutako gresezko formak eskaintzen ditu, erakusketa-aldian eboluzionatzen duten materialak.
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.
Carla Filipe eta Taxio Ardanaz artisten lana batu du "Kooperatiba" erakusketak, Tabakaleran
Ángel Calvo Ulloak komisariatutako erakusketak Carla Filipe eta Taxio Ardanaz artistek lengoaia grafikoen eta irudikapen politikoaren inguruan egindako lana biltzen du. Uztailaren 3an irekiko da, Donostiako zentroan, eta urtarrilaren 10era arte egongo da ikusgai.
Bonnat-Helleu museoak 100.000. bisitaria hartu du
Birmoldatu eta azaroan berriz ireki zuten arte ederren museoko 100.000. bisitaria 8 urteko baionar neskatoa da. Urte osoan doan sartzeko baimena emango dion txartel bat jaso du Barthélémy Etchegoyen museoko zuzendariaren eskutik.
“Harri biguna” dokumental sailak artearen irakurketa “kritiko eta garaikidea” proposatzen du ikuspegi feministatik
Primeran eta ETB ON plataformetan izango da ikusgai, ekinaren 30etik aurrera, Tamara Garcíak idatzi eta zuzendu duen sei ataleko lana. Elkarrizketen eta artxiboko materialaren bidez, ikusezin bihurtu diren narratibak azaleratzen ditu, collagean oinarritutako proposamen estetikoa erabilita.
Arte Ederren Bilboko Museoak Placido Arango omenduko du fase berriaren inaugurazioan
Placido Arango izango da Arte Ederren Bilboko Museoaren berrirekitzearen protagonista nagusia, seme-alabek utzitako eta Pradoko Museoarekin batera antolatutako erakusketa bati esker. Erakusketa urriaren 5ean inauguratuko da Arte Ederren Bilboko Museoan, eraikina handitzeko lanak amaitu ondoren.
Euskal Museoaren klaustroa, musika, dantza, zirku, herri kirol eta bertsolaritzaz beterik barikuetan
Plazara ekimeneko jardueretarako sarrera 3 euroan dago salgai, Bilboko museo zaharberrituaren webgunean. Aukeran konpainia eta Nerea Ibarzabal, Oihana Bartra, Miren Amuriza eta Uxue Alberdi bertsolariak arituko dira, besteak beste.