Sistiagak, Revueltak eta La Tallerrek Gure Artea sariak jaso dituzte
Jose Antonio Sistiagak (Donostia, 1932), Mabi Revueltak (Bilbo, 1967) eta La Taller Bilboko espazioak jaso dituzte 2016ko Gure Artea sariak.
Golardoak Cristina Uriarte Esko Jaurlaritzako Kultura sailburuak entregatu ditu, Gasteizko Artium museoam egindako ekitaldi batean. 18.000 eurokoak dira sariak.
Sistiaga donostiarrak ibilbide artistikoaren aitormenari dagokion modalitatean jaso du; Revuelta bilbotarrak sorkuntza-lana aitortzeko modalitatean; eta ikusizko arteen arloan egindako lana aitortzen duen modalitatean Maite Martinez de Arenazak zuzentzen duen La Taller espazioak.
Sari horien bidez, egin duten lana aitortu eta arte garaikidean eta euskal kulturan egindako ekarpena aitortu nahi dizkiete irabazleei.
Jose Antonio Sistiaga bere margolanengatik eta zinemari egindako ekarpenengatik da ezagun. "Gaur" abangoardiako artearen aitzindariz osatutako taldean parte hartu zuen.
Bere sorkuntza-lanaren lehen aroan, Sistiagaren obra margolanek osatzen zuten gehienbat, lirismoaren eta informalismoaren korronteak nagusi zirelarik, eta gero, kamerarik gabeko zinemara, zuzenean zeluloidezko pelikularen gainean marraztera, lerratu zen. XX. mendeko zinema esperimentalaren bidea jorratu zuen, hortaz, eta halaxe aitortu diote, nazioartean egindako hainbat erakusketatan.
Mabi Revueltak mundu osoan erakutsi du bere lana, eta artista plastiko gisa duen ibilbidea irakaskuntzarekin eta artearen pedagogia berrien ikerkuntzarekin uztartzen du.
Diziplinartekotasuna eta beste agente sortzaileekin izaten dituen lankidetza-prozesuak nabarmentzen dira bere lanean, sarion epaimahaiaren aburuz.
La Taller, ikusizko arteen arloko sariaren irabazlea, Bilboko kultura proiektu eta espazioa da. Gune hibridoa da, ekoizpeneko eta edizio grafikoko lantegia eta erakusketa-aretoak biltzen baititu 2010eko irailean zabaldu zutenetik. Maite Martinez de Arenaza du zuzendari.
Uriartek zoriondu egin ditu irabazleak, eta sariek gure artistak aintzatestea eta emakumeen ekarpena nabarmentzea dutela helburu azaldu du.
Zure interesekoa izan daiteke
Bilboko Guggenheim, munduko zazpi mirari garaikideetako bat izateko bidean
Guggenheim Bilbao Museoak, aro garaikideko obra enblematikoa izateaz gain, Bilbo nazioarteko kultura-erreferente gisa kokatzea ahalbidetu du, eta eragin sakon zein onuragarria izan du inguruko turismoaren, ekonomiaren eta gizartearen garapenean.
Guggenheim Bilbao Museoak "66-76-26" iragarri du, Steve McQueenek museoarentzat sortutako lana
Instalazioak aurrez aurre jartzen ditu hamarkada batez bereizitako Nina Simoneren (1966) eta David Bowieren (1976) "Wild is the Wind" interpretazio mitikoak.
Ertibil erakusketaren 44. edizioak 18 artista berriren lanak bildu ditu
Rekalde aretoan zabaldu dute Bizkaiko artista berriei laguntzeko erakusketa ibiltaria. Urriaren 18ra arte egongo da Bilbon, eta handik Barakaldora (urriak 21-azaroak 5), Basaurira (azaroak 6-29) eta Igorrera (azaroak 30-abenduak 30) egingo du. Lehen, bigarren eta hirugarren sariak Estela Miguelek eta Markel Gonzalez Elezkanok, Natalia Suarez Ortiz de Zaratek eta Jone Elorriaga Sotok irabazi dituzte.
"Uhinak": Ra Asensiren erakusketa Bilboko Euskal Museoan
2026ko uztailaren 8tik abenduaren 28ra bitartean bisitatu ahal izango da, Miserikordia eraikineko Kukula espazioan. Kantauriko algekin eta oxidoekin egindako beiraztatutako gresezko formak eskaintzen ditu, erakusketa-aldian eboluzionatzen duten materialak.
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.
Carla Filipe eta Taxio Ardanaz artisten lana batu du "Kooperatiba" erakusketak, Tabakaleran
Ángel Calvo Ulloak komisariatutako erakusketak Carla Filipe eta Taxio Ardanaz artistek lengoaia grafikoen eta irudikapen politikoaren inguruan egindako lana biltzen du. Uztailaren 3an irekiko da, Donostiako zentroan, eta urtarrilaren 10era arte egongo da ikusgai.
Bonnat-Helleu museoak 100.000. bisitaria hartu du
Birmoldatu eta azaroan berriz ireki zuten arte ederren museoko 100.000. bisitaria 8 urteko baionar neskatoa da. Urte osoan doan sartzeko baimena emango dion txartel bat jaso du Barthélémy Etchegoyen museoko zuzendariaren eskutik.
“Harri biguna” dokumental sailak artearen irakurketa “kritiko eta garaikidea” proposatzen du ikuspegi feministatik
Primeran eta ETB ON plataformetan izango da ikusgai, ekinaren 30etik aurrera, Tamara Garcíak idatzi eta zuzendu duen sei ataleko lana. Elkarrizketen eta artxiboko materialaren bidez, ikusezin bihurtu diren narratibak azaleratzen ditu, collagean oinarritutako proposamen estetikoa erabilita.
Arte Ederren Bilboko Museoak Placido Arango omenduko du fase berriaren inaugurazioan
Placido Arango izango da Arte Ederren Bilboko Museoaren berrirekitzearen protagonista nagusia, seme-alabek utzitako eta Pradoko Museoarekin batera antolatutako erakusketa bati esker. Erakusketa urriaren 5ean inauguratuko da Arte Ederren Bilboko Museoan, eraikina handitzeko lanak amaitu ondoren.
Euskal Museoaren klaustroa, musika, dantza, zirku, herri kirol eta bertsolaritzaz beterik barikuetan
Plazara ekimeneko jardueretarako sarrera 3 euroan dago salgai, Bilboko museo zaharberrituaren webgunean. Aukeran konpainia eta Nerea Ibarzabal, Oihana Bartra, Miren Amuriza eta Uxue Alberdi bertsolariak arituko dira, besteak beste.