Tabakalerak milioi bat bisitari jaso ditu zabaldu zutenetik
Tabakalera 2015eko irailean ireki zutenetik joan den “urtebete luzean” zentroak egindako bidearen balantzea egin dute gaur. Denbora horretan, milioi bat pertsonak baino gehiagok bisitatu dute zentroa, eta bostetik batek hartu dute parte bertako kultura programan.
Eneko Goia Donostiako alkatea, Markel Olano Gipuzkoako ahaldun nagusia eta Joxean Muñoz Eusko Jaurlaritzako Kultura sailburuordea bat etorri dira Tabakalera Gipuzkoako eta Euskal Herriko kulturaren “erreferentziazko” zentroa dela esaten.
Ane Rodriguez zentroaren zuzendariaren hitzetan, 2017rako helburua “programazioari eustea eta ildo estrategikoak indartzea” izango da. Ireki zutenetik 65 artista hartu ditu zentroak (423 eskaera jaso dituzte), eta Ubik sormen liburutegiak, zentroaren apustu handienetako batek, 133.000 bisitari hartu ditu orotara, martxoan zabaldu zutenetik.
Euskadiko Filmategia, Zinemaldia, Etxepare Institutua eta Kutxaren espazioak hartzen ditu dagoeneko Tabakalerak, eta Zinema Eskola izango du laster. Markel Olano Gipuzkoako ahaldun nagusiak ez du gaian sakondu nahi izan, baina sektorearekin gai horri buruzko elkarrizketa aurreratuta dagoela esan du. 2017an eskolak zentroan tokia hartzeko aurrerapausoak emango direla esan du, “bai arkitekturari baita proiektuari berari dagokionez ere”.
Gainera, Rodriguezek argitu duenez, proiektua atzeratuta badago ere, eraikinaren azken solairuan jarriko duten jatetxeari buruzko albisteak aurki emango dituzte, baita hotelari buruzkoak ere. 18 urteko epea dute lizentzia lortu dutenek hotela abian jartzeko.
Gerente berria eta 5,8 milioiko aurrekontua
Urte berriarekin bat, gerente berria hasiko da Tabakaleran, Haritz Azkarragak irailean dimisioa eman eta gero. Aste honetan bertan aukeratu dute kudeaketaren arduradun nagusia. Oihana Zarra Larrea (Donostia, 1978).
Astelehenean hartu zuen erabakia administrazio kontseiluak, 2017rako aurrekontua onartu zuen batzar berean. 5,8 milioi euroko aurrekontua izango du zentroak datorren urterako: erakundeetako bakoitzak 1.600.000 euro jarriko ditu eta Tabakalerak berak 1.048.078 sartuko ditu.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.