Estereotipo matxisten inguruan hausnartzeko argazkiak
Eider Bernaola (Gasteiz, 1992) eta Leire Bikuña (Iruñea, 1993) argazkilari profesionalek “Girls can do it” egitasmo komuna argitaratu dute gaur, martxoak 8. 50 emakume boluntariok parte hartu dute bertan, eta helburua da, Bernaolak berak azaldu duenez, erakustea “emakumezkoak argazkilaritzan irudikatzeko moduak nola lagundu duen gaur egun ere gizartean gizon-emakumeen artean dauden ezberdintasunak indartzen”.
Beren lan gehienen gaiak batzen ditu bi argazkilarion bideak: argazkilaritza beren iritzia azaleratzeko erabiltzen dute, baita ikertzeko, hausnartzeko eta irudiaren inguruan dauden estereotipoen eta emakumea historian erakusteko moduaren inguruan gogoeta egiteko ere.
Proiektu berri honetan, berrogeita hamar emakumek baino gehiagok hartu dute parte, eta horretarako atondutako webgune batean kontsultatu ahal da emaitza.
Jatorri militarra
Proiektuaren ardatza “We can do it!” ilustrazio ikonikoa da, hain zuzen ere, Leire Bikuñak azaldu duenez, “historiari begiratuta batere feminista ez den irudia”.
Bernaolaren arabera, J. Howard Millerrek 1943an elektrizitate enpresa batentzat sorturiko kartelaren xedea “langileen gogoa berotu eta akuilatzea zen. Gobernuak eta enpresek eurek martxan jarritako propaganda ekimen militar bati zegokion, eta Bigarren Mundu Gerran frontean zeuden gizonezkoak ordezkatzera bideratuta zegoen; langileak behar zituzten”.
Hala ere, emakumezkoak lan merkatuari gehitzeko ekimenak muga egun bat zuen: gerraren amaiera. Soldaduak gerratik itzuli zirenean, emakumezkoak etxera itzuli ziren, lanpostuan erakutsitako trebezia maila gorabehera. Eskubideak ukatu zizkieten eta, nahiz eta askok lantegietan beharrean jarraitzeko borondatea agertu zuten, etxera itzuli eta “beren zereginetan” jarduteko “gonbita” egin zieten.
1980ko hamarkadan, baina, kartela berriz agertu zen, eta mugimendu feminista erabiltzen hasi zen, emakumezko langileen eskubideen aldeko borrokaren irudi gisa. Gaur egun, emakumeen ahalduntzea irudikatzen du.
“Ezinegona piztu”
Eider Bernaolak eta Leire Bikuñak, horren guztiaren aurrean, kartela berrinterpretatu nahi dute, eta gogora ekarri indarra ez dagokiola genero bakarrari, ezpada pertsona guztioi. “Rolak deuseztatzeko ordua da, jarrera, emozio edo ekintza batzuk rol bati edo besteari egozteari uzteko garaia, horrela ukatu egiten baitiogu geure buruari pertsona orekatuagoak izateko aukera. Femeninotasuna ahuldadeari lotuta egoteari uztea nahi dugu”, erantsi dute.
“Gizonen eta emakumeen hausnarketa bilatzen dugu, eta ezinegon txiki hori piztea, ekiteko eta aldatzeko lehen urratsa baita”.
Zure interesekoa izan daiteke
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.