Chillida Leku apirilaren 17an irekiko dute, erakusketa antologiko batekin
Apirilaren 17an irekiko dizkiote berriz ateak publikoari Chillida Leku Hernaniko museoan. Lehen erakusketak, “Eduardo Chillida. Oihartzunak” izenekoak, euskal artistak berrogeiko hamarkadaren amaieratik 2000. urtera eginiko eskulturen lagin bat jasoko du. Ignacio Chillida eta museoko aditu taldea komisario direla, bildumak irudikatuko ditu artistaren sormenaren garapena, materialen erabilera eta haren ideiek ibilbide osoan izan zuten eboluzioa.
Chillida Leku 2000. urtean inauguratu zuen Eduardo Chillidak berak, baina 2011ko urtarriletik aurretiaz zita hartuta bisita zitekeen soilik, nahiz eta erakunde publikoen eta familiaren arteko hainbat negoziazio eta saiakera izan diren harrezkero berriz zabaltzeko.
Ireki eta gero museoak aurkeztuko duen lehen erakusketan, burdinazko, granitozko, igeltsuzko eta paperezko lanak paratuko dituzte, baina ez dituzte albo batera lagako “hainbat serie esanguratsu”, hala nola “Grabitazioak” (erliebeak eta hutsuneak nabarmentzen dituzten paperezko eskulturak) eta “Lurrak” (txamota lurrez eginiko piezak).
Baserriaren goialdeko geletan, eskultura publikoari buruzko ibilbidea egingo dute, “garrantzi handia izan baitzuen eskultorearentzat eta 40 hiritara iritsi baitzen”, museotik esan dutenez.
Chillida familia “errespetuz” ari da instalazioak zaharberritzen, artistak Chillida Lekurentzat zuen helburua betez. XVI. mendeko etxearen egitura eta itxura errespetatuko dituzte, baina argiztapena eta lur-sabaien isolamendua hobetuko dituzte, eta mugikortasun urrikoentzako sarbidea erraztuko dute.
Gainera, Chillida Leku berriz irekitzearekin batera, Lurra museoko kafetegi berria aurkeztuko dute Joaquin Monterok diseinatutako pabiloian.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.