Chillida Leku 'XXI. mendera egokituta eta mamia gordeta' irekiko dute
Chillida Leku, Hernaniko kanpoaldean dagoen Zabalagako baserrian kokatua, berriz irekiko dute asteazkenean, apirilak 17, “XXI. mendera egokiturik” eta, artistaren ondarea errespetatzeko, “mamia” gorderik.
Etapa berri honen lehen erakusketa ‘Eduardo Chillida. Oihartzunak” izango da, eta Chillidak 1940 hamarkadatik 2000. urtera eginiko lanak erakutsiko ditu.
Mireia Massague Chillida Lekuren zuzendari berriak aletu ditu, Ignacio eta Luis Chillida eskultorearen semeekin batera, museoaren berrirekieraren inguruko detaileak, eta aurreratu dute bihar, asteazkenarekin, ekitaldi instituzional bat egingo dutela bertan, besteak beste, Jose Guirao Espainiako Kultura ministroaren eta Iñigo Urkullu lehendakariaren parte-hartzearekin.
Zabalaga XVI. mendeko eraikinaren inguruko eskulturek eta barruko erakusketa aretoek osatutako museoa 2000. urtean sortu zuten Eduardo Chillidak eta Pilar Belzunce haren emazteak. 2011ko urtarriletik, aldez aurretik eskaera eginda soilik bisitatu ahal zen.
Ignacio Chillida semeak azaldu duenez, “Chillida Leku zena errespetatzen” saiatu dira, “baina teknologia berrietara egokituta”. Museoaren etapa berriaren lehen erakusketak burdinazko, granitozko, igeltsuzko eta paperezko 90 pieza baino gehiago biltzen ditu, bazter batean utzi gabe “Grabitazioak” (erliebea eta hutsunea nabarmentzen diren paperezko eskulturak) eta “Lurrak” (txamota lurrez eginiko piezak) serie adierazgarriak.
Kanpoaldeko erakusketan, 43 eskultura daude, horietako batzuk Zabalagan lehenengoz paratutakoak.
Ignacio Chillidaren esanetan, “azken zortzi urteetan ez da itxita egon, eta 50.000 pertsonak bisitatu dute museoa, baina beti nahi izan dugu jendea atera etorri eta barrura sartzea”.
Zure interesekoa izan daiteke
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.