18 urtetik beherakoek doako sarrera izango dute Guggenheimen
Guggenheim Bilbao Museoak % 3,4 igoko du aurrekontua 2020. urterako, eta 18 urtera artekoak sartu ahalko dira aurrerantzean doan. Gainera, datorren urteko programazio artistikoan, erakusketak egingo dituzte El Anatsui, Richard Artschwager, Lygia Clark, Olafur Eliasson eta Lee Krasner artisten lanekin.
Guggenheim museoaren Fundazioaren Patronatuak bilera egin du bart, Iñigo Urkullu berorren presidente eta lehendakaria buru zela. Bileran, museoaren jardueraren datu nagusien berri eman dute. Hain zuzen, urtea bukatzeko bost aste falta direla, 1.079.840 bisitari hartu dituztela jakinarazi dute, horien hiru laurdenak atzerritarrak.
Saio honetan, 2020. urterako aurrekontua aurtengoaren aldean % 3,4 igoko dela zehaztu dute, batik bat museoak berak handitu egin dituelako bere diru-sarrerak, euskal erakundeek azken urteetan emandako diruari eutsi baitiote.
Halaber, batzar horretan 2020ko arte programazioa ere onartu dute, tartean gure garaiko artean erabakigarriak diren El Anatsui, Richard Artschwager, Lygia Clark, Olafur Eliasson, Lee Krasner eta Lynette Yiadom-Boakye artistei eskainitako erakusketak eta William Kentridge, Isaac Julien eta Alex Reynolds egileen bideo-instalazioak, Film & Video aretorako.
Programazioaren baitan, gainera, bestelako erakusketak ere izango dira, hala nola 1920ko hamarkadako “urte eroetako” sorkuntzari buruzko erakusketa bat, Berlinen eta Parisen zentratua, eta Vasily Kandinskyren lanetan oinarritutako beste bat.
Horrez gain, museoa 2021erako lantzen ari den zenbait erakusketa proiektu ere aurreratu dituzte, besteak beste, euskal artistei buruzko erakusketa bat (zehatzago esanda, XIX. mende amaieran eta XX. mende hasieran Bilbon egindako pinturari buruzkoa); Yoshitomo Nara eta Ibon Aranberri artistei eskainitako esposizio monografikoak; eta Vito Acconci eta Racher Rose sortzaileen eskutik Film & Video aretoan egingo diren erakustaldiak.
Azkenik, 2020rako salneurri eskema berria onartu dute, museoak ohar batean azaldu duenez: sarrera doan 18 urtera arte; ikasleentzako eta pentsiodunentzako onurak hobetuko dira; erakusketa bakoitzaren azken egunean sarreren salneurriak % 50eko deskontua izango du 16:00ak eta 20:00ak bitartean bisitariek erakusketa ikusteko azken aukera izan dezaten (gainerako erakusketak ere ikusi ahal izango dituzte); eta sarrerak online erosteagatiko hobariak (leihatilan baino euro 1 edo 2 merkeagoak izango dira).
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.