Yoshitomo Nara, Giovanni Anselmo eta Hilma af Klint-en erakusketak Guggenheimen
Yoshitomo Nara, Giovanni Anselmo eta Hilma af Klint artisten lanak izango dira ikusgai, besteak beste, 2024an Guggenheim Bilbao Museoan. Ostiral honetan egin duten egitarauaren aurkezpenean zehaztu dutenez aldi baterako bederatzi erakusketa zabalduko dituzte.
Era berean, museoaren beraren bildumako lan berri batzuk jarri dituzte ikusgai; hain zuzen ere, XX. mendearen bigarren erdialdeko historiaren une esanguratsuetako batzuk erakusten dituzten artelanen sorta bat.
Aldi baterako lehen erakusketa otsailaren 9an zabalduko da. Giovanni Anselmori, Arte Povera mugimenduan aritu zen autore italiarrari, eskainitako atzera begirakoa izango da. Artistak berak prestatu zuen erakusketa Bilboko museoarekin batera, joan den abenduan hil zen arte. Egilearen 40 lan baino gehiago erakutsiko dira.
Otsailaren 16atik aurrera, berriz, Lichenstein, Warhol, Josephine Meckseper eta Niki de Saint Phalle artistek Pop Artearen barruan egindako lanak biltzen dituen erakusketa izango da ikusgai. New Yorkeko Guggenheim Bildumako funtsekin egindako sorta izango da.
Hil horretan bertan, otsailaren 22an, Metahaven izeneko artista-bikote holandarraren Kaosaren Teoria instalazioa iritsiko da Film&Video aretora eta martxoan June Crespo artista nafarraren eskulturak aurkeztuko dituzte, tartean, museoko gune baterako bereziki egindako artelan bat.
Udan Martha Jungwirth austriarraren lanak eta Anthony McCallen obra filmikoa jarriko dira ikusgai.
Hala ere, garai honetako erakusketaren esanguratsuena Yoshitomo Nara egilearen atzera begirakoa izango da. Ekainaren 28tik aurrera bisitatu ahal izango da eta artistaren 250 lan baino gehiago erakutsiko dira. Bere belaunaldiko japoniar sortzailerik ezagunenetako bat izan zen Nara. "Neska maitagarri, enigmatiko edo mehatxuzkoen" margolanek egin zuten ezagun.
Udazkenean urteko beste erakusketa handietako bat zabalduko da Guggenheimen. Urriaren 18an, arte abstraktuan aritu zen Hilma af Klint artista suediarraren 200 lan baino gehiago jarriko dira ikusgai. 1862 eta 1944 artean bizi izan zen, baina "azken urteetan egin da ezagun" bere obra.
Azkenik, urteko egitaraua azaroan martxan jarriko den Paul Pfeiffer hawaiarraren erakusketarekin amaitzen da. Pfeiffer aitzindaria izan zen bideoaren erabileran, eta erakusketa honetan ibilbidearen hasieran egindako lanak zein azken aldikoak ikusi ahal izango dira, "argazkigintzaren, instalazioaren eta eskulturaren arteko oztopoak ezabatzen dituzten" lanak hain zuzen ere.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.