Koldobika Jauregi eskultorea hil da, 64 urte zituela
Koldobika Jauregi Zinkunegi euskal eskultore minimalista hil da, 64 urte zituela, bihotzekoak jota. Alkizan jaiotako artista eskulturan aritu zen batez ere baina artearen beste alor askotan ere aritu zen: margogintzan, performanceak egiten, ekoizpenen diseinuetan, bideo-sormenean etab.
Zura eta harria lantzen zituen batez ere eta materialen izaerarekin jokatzen zuen. Eduardo Chillida zuen maisutzat eta 2019an Chillida Leku berriz ere ireki zutenean, bisita gidatu sakona egin zion Euskadi Irratiko Faktoria saioari.
70eko hamarkadan hasi zen lanean eta mota guztietako materialak, ideiak eta teknikak erabili zituen.
Hogeita hamar bat erakusketa eta hamar bat beka eta sari jaso zituen. Besteak beste, Chillidaren Zabalaga beka jaso zuen 1990ean eta Karl Muller mezenas alemaniarrarekin lan egiteko aukera izan zuen Düsseldorf hirian.
Alemanian egindako egonaldi luzeak eragin nabarmena izan zuen, kritikarien aburuz, Jauregiren lanean, eta Euskal Herrian lehendik ere bazuen ospea, nazioarteko mailara zabaltzeko aukera eman zion.
Azken urteetako erakusketa gehienak Alemanian egin bazituen ere, Euskal Herrirako ere gin zituen hainbat lan. Horietako batzuk ikustagai daude Idiazabalen, Barakaldon, Lemoan eta Donostian, esate baterako. Hain zuzen ere, ostiral honetan erakusketa bat inauguratu zuen Soraluzen, Oreka Art galerian.
2012an Ur Mara Museoa sortu zuen Alkizan, bere herrian. Hemen 2012ko bideoa:
CONTENIDO NO ENCONTRADO
2018an, ETAren armagabetzea irudikatu zuen altzairu eta burdinazko zuhaitza inauguratu zuen Baionan. Biktimen elkarte batzuk kritikatu egin zuten eskultura eta hainbat azalpen eman behar zituen komunikabideetan.
Kolaboratzaile oparoa izan zen EITBn ere. Arimaren Margolariak saioan parte hartu zuen 2019an eta baita Historia eta istorioak podkastean ere 2022an, besteak beste.
Alkizan bizi zen gaur egun, bikote zuen Elena Cajaraville artistarekin, Ur Mara Museoa gidatuz.
Zure interesekoa izan daiteke
Bilboko Guggenheim, munduko zazpi mirari garaikideetako bat izateko bidean
Guggenheim Bilbao Museoak, aro garaikideko obra enblematikoa izateaz gain, Bilbo nazioarteko kultura-erreferente gisa kokatzea ahalbidetu du, eta eragin sakon zein onuragarria izan du inguruko turismoaren, ekonomiaren eta gizartearen garapenean.
Guggenheim Bilbao Museoak "66-76-26" iragarri du, Steve McQueenek museoarentzat sortutako lana
Instalazioak aurrez aurre jartzen ditu hamarkada batez bereizitako Nina Simoneren (1966) eta David Bowieren (1976) "Wild is the Wind" interpretazio mitikoak.
Ertibil erakusketaren 44. edizioak 18 artista berriren lanak bildu ditu
Rekalde aretoan zabaldu dute Bizkaiko artista berriei laguntzeko erakusketa ibiltaria. Urriaren 18ra arte egongo da Bilbon, eta handik Barakaldora (urriak 21-azaroak 5), Basaurira (azaroak 6-29) eta Igorrera (azaroak 30-abenduak 30) egingo du. Lehen, bigarren eta hirugarren sariak Estela Miguelek eta Markel Gonzalez Elezkanok, Natalia Suarez Ortiz de Zaratek eta Jone Elorriaga Sotok irabazi dituzte.
"Uhinak": Ra Asensiren erakusketa Bilboko Euskal Museoan
2026ko uztailaren 8tik abenduaren 28ra bitartean bisitatu ahal izango da, Miserikordia eraikineko Kukula espazioan. Kantauriko algekin eta oxidoekin egindako beiraztatutako gresezko formak eskaintzen ditu, erakusketa-aldian eboluzionatzen duten materialak.
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.
Carla Filipe eta Taxio Ardanaz artisten lana batu du "Kooperatiba" erakusketak, Tabakaleran
Ángel Calvo Ulloak komisariatutako erakusketak Carla Filipe eta Taxio Ardanaz artistek lengoaia grafikoen eta irudikapen politikoaren inguruan egindako lana biltzen du. Uztailaren 3an irekiko da, Donostiako zentroan, eta urtarrilaren 10era arte egongo da ikusgai.
Bonnat-Helleu museoak 100.000. bisitaria hartu du
Birmoldatu eta azaroan berriz ireki zuten arte ederren museoko 100.000. bisitaria 8 urteko baionar neskatoa da. Urte osoan doan sartzeko baimena emango dion txartel bat jaso du Barthélémy Etchegoyen museoko zuzendariaren eskutik.
“Harri biguna” dokumental sailak artearen irakurketa “kritiko eta garaikidea” proposatzen du ikuspegi feministatik
Primeran eta ETB ON plataformetan izango da ikusgai, ekinaren 30etik aurrera, Tamara Garcíak idatzi eta zuzendu duen sei ataleko lana. Elkarrizketen eta artxiboko materialaren bidez, ikusezin bihurtu diren narratibak azaleratzen ditu, collagean oinarritutako proposamen estetikoa erabilita.
Arte Ederren Bilboko Museoak Placido Arango omenduko du fase berriaren inaugurazioan
Placido Arango izango da Arte Ederren Bilboko Museoaren berrirekitzearen protagonista nagusia, seme-alabek utzitako eta Pradoko Museoarekin batera antolatutako erakusketa bati esker. Erakusketa urriaren 5ean inauguratuko da Arte Ederren Bilboko Museoan, eraikina handitzeko lanak amaitu ondoren.
Euskal Museoaren klaustroa, musika, dantza, zirku, herri kirol eta bertsolaritzaz beterik barikuetan
Plazara ekimeneko jardueretarako sarrera 3 euroan dago salgai, Bilboko museo zaharberrituaren webgunean. Aukeran konpainia eta Nerea Ibarzabal, Oihana Bartra, Miren Amuriza eta Uxue Alberdi bertsolariak arituko dira, besteak beste.