1.301.343 pertsonak bisitatu zuten Bilboko Guggenheim 2024an
2024. urtea "oso positibotzat" jo du Guggenheim Bilbao Museoaren zuzendaritzak. 1.301.343 bisitari jaso ditu Bilboko erakusketa zentroak joan den urte osoan, 2023an, inoiz izan duen urterik jendetsuenean, baino % 2 gutxiago (22.878 pertsona). Inoizko maiatz eta ekain onenak izan ditu museoak, jende kopuruari begiratuta, eta uztail-abuztuak inoizko bigarren onenak izan dira.
Jatorri geografikoari begiratuta, bisitari horien % 16 Frantziako Estatutik etorri dira, % 8 Alemaniatik, % 7 Britainia Handitik, % 6 AEBtik eta % 5 Italiatik, % 4 Kataluniatik eta % 4 Madrildik.
Ikurrak eta objektuak. Guggenheim Bildumako Pop artea erakusketak bildu ditu bisitari geihen: 882.658 pertsona, otsailetik irailera bitartean. Ekain eta azaroa bitartean, 648.237 pertsonak ikusi dute Yoshitomo Nara erakusketa, eta Martha Jungwirth erakusketa, berriz, 549.094 pertsonak bisitatu dute ekain eta iraila bitartean.
2024an, 80.192 pertsonak parte hartu dute Museoaren hezkuntza programetan, aurrez aurreko eta online jardueretan.
Gaur egun, 345.185 dira Community (museoak artearen eta kulturaren inguruan sortutako komunitatea) osatzen duten pertsonak: 23.690 Museoaren Lagunak dira; 321.060 Jarraitzaileak, museoarekin harremana izateko doako modalitateko kideak; eta 497 langabeei museoa doan bisitatzeko aukera eskaintzen dien Erdu programaren onuradunak.
Autofinantzaketa mailari dagokionez, % 78 ingurukoa izan da 2024an.
207.797 pertsona Arte Ederren Bilboko Museoan
Arte Ederren Bilboko Museoak 207.797 pertsonaren bisita jaso zuen 2024an, aurreko urtean baino % 8,5 gehiago. Daturik onena da azken bost urteetan. Museoaren arduradunen esanetan, 2024an joera positiboak hobera egin du, "nahiz eta Agravitas Foster eta Uriarte arkitektoak gidatzen ari diren zaharberritze prozesua aurrea doan eta museoaren jarduera eraiki zaharrera mugatu den, doako sarrerarekin".
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.