Amurizaren ondareari gorazarre, Durangaldean
Xabier Amurizak plazako bertsoaldiak egiteari utzi diola iragarri zuen “Faktoria” Euskadi Irratiko saioan, 75 urte bete zituen egunean, maiatzaren 3an. Orain, Durangaldeko Bertso Eskolak egindako lan oparoa eskertuko dio hilaren 16, 17 eta 19an, berbaldia, kantaldia eta “erromesaldi artistikoa” eginez.
Gaur, ostegunarekin, Zornotzako Zelaieta Zentroak hartuko duen solasaldian, Andoni Egaña Amurizaren sorkuntzaz, Kepa Altonaga Amurizaren hizkuntzalaritzaz eta Edurne Brouard Amurizaren iritzi eragiletzaz arituko dira 19:30ean, Jone Guenetxeak gidatuta.
Kantuan eta kantagintzan ere nabarmendu da Amuriza, eta bihar, hilak 17, helduko diote haren jardueraren adar horri. Plateruena Durangoko aretoak “Emaidazue freskura” kantaldia hartuko du: Igelaren Banda, Tapia eta Leturia, Mursego, Mikel Markez eta Josu Zabala, Anje Duhalde, Natxo de Felipe eta Anton Latxa, Leire Bilbao, Miren Amuriza alaba, Maialen Lujanbio…
22:30ean hasiko da musika, eta sarrerak 8 euroan eros daitezke.
Igandean Berrizen bukatuko da omenaldi sorta, osteratxo bat egin ondoren: “Amurizaren bideak eta aireak” autobus ibilbidea antolatu dute, 09:30ean Berrizko kiroldegian hasi, eta toki hauetan guztietan geldialdia egiteko: Etxano, Amorebieta, Iurreta, Gerediaga eta Berriz.
Bertsoak, dantza, musika eta berriketa ez dira faltako, eta 14:30ean herri bazkaria egingo dute Berrizen bertan. Plateruenaren webgunean eros daitezke txartelak.
Zure interesekoa izan daiteke
Aroa Arrizubietak irabazi du Arabako Bertsolari Txapelketako Oiongo saioa
Txapelketako lehen saioa irabazita, finalaurrekoetarako pase zuzena eskuratu du gasteizko bertsolariak. Hurrengo saioa otsailaren 15ean izango da Laudioko Kasinoan, 17:30ean.
Arabako Bertsolari Txapelketa, abiatzear
Arabako txapelketaren XVII. edizioko lehen saioa Oionen egingo dute, larunbatean. Aroa Arrizubietak, Felipe Zelaietak, Iñaki Viñasprek, Martin Abarrategik, Sabin Abarrategik eta Unai Andak kantatuko dute.
Euskarak biziraun dezan lan egin duten guztiei eskaini die azken agurra Maddi Ane Txoperenak
Bizkarsoro filmari erreferentzia egin, eta euskararen kontra aritu direnen aurrean altxatu direnak izan ditu gogoan Maddi Ane Txoperenak, Donibane Lohizuneko Jai Alain.
Maddi Ane Txoperenak irabazi du Xilaba Ipar Euskal Herriko Bertsolari Txapelketa
Maddalen Arzallusekin jokatu du azken buruz burukoa, eta, azkenean, Txoperena gailendu da finalean. 2026ko Euskal Herriko Bertsolari Txapelketan bost finalistek hartuko dute parte.
Sei bertsolari, Xilabako finalerako prest
Gaur jokatuko da Lapurdiko, Nafarroa Behereko eta Zuberoako Bertsolari Txapelketako finala, Donibane Lohizuneko Jai Alain. Maialen Hiribarrenek jarriko dio txapela bost emakumek eta gizon batek osatuko duten seikoteko bertsolari irabazleari: Miren Artetxe Sarasola, Maddi Ane Txoperena Iribarren, Irantzu Idoate Funosas, Maddalen Arzallus Antia, Aitor Servier Etxexuri eta Elixabet Etxandi Goienetxe. 17:00etatik aurrera izango da ikusgai, zuzenean, Orain.eus atarian.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Osatu da Xilaba bertsolari txapelketaren finala jokatuko duen seikotea
Larunbateko saioa irabazita, Maddi Ane Txoperenak eskuratu du finalerako txartela, Aitor Servier eta Irantzu Idoaterekin batera. Finala hilaren 31n jokatuko dute, Donibane Lohizunen.
Miren Artetxe gailendu da Xilaba Bertsolari Txapelketako lehen finalaurrekoan eta zuzenean sailkatu da finalerako
Baigorrin jokatu den final aitzinetakoan Maddalen Arzallus izan da bigarrena. Datorren larunbatean Bardozen jokatuko da Ipar Euskal Herriko Bertsolari txapelketaren bigarren final aitzinekoa.
Patxi Etxeberria bertsolaria zendu da, 95 urte zituela
Bertsolari oriotarra ia 60 urtez aritu izan da oholtzaz oholtza eta plazaz plaza bertsotan.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.