Mastodon taldea Azkena Rock Festival Gasteizko jaialdian izango da
Azkena Rock Festival Gasteizko jaialdiak Mastodon gehitu du aurtengo kartelera, gaur egun rockaren eta metalaren inguruan dagoen talde interesgarrienetako bat. 1999. urtean sortutako taldeak, besteak beste, ZZ Top, Television, L7, D-Generation, Red Fang eta Black Mountain izango ditu lagun ekainaren 19 eta 20an Mendizabalan egingo den jaialdian, Last Tour enpresa antolatzaileak iragarri duenez.
Atlantako laukoteak Once more round the sun (2014) estudioko bere seigarren diskoa aurkeztuko du Mendizabalan, “exekuzio bikaineko eta soinu berritzaileko proposamenari beste ukitu bat eman dion lana”. Nick Raskulinecz ekoizlearekin (Foo Fighters, Rush…) lan egin dute kantu bilduma grabatzeko.
Remission (2002) lehenengo diskoa “urrezko disko” izan zen, eta, haren atzetik, Leviathan disko kontzeptuala etorri zen, Moby Dick eleberrian oinarritutakoa. Kritikariek aho batez goraipatu zuten lan hori, eta ospea eman zion taldeari. Gero, 2006an, Blood Mountain eta 2009an Crack the Skye diskoak argitaratu zituzten, eta bi urte geroago The Hunter ondu zuten, orain arteko beren arrakasta komertzialik handiena.
Thrash metala, stonerra, metal progresiboa, hardcorea eta heavy ukituak daude Mastodonen doinuetan. Talde berritzailea da, indartsua bezain freskoa.
Sarrerak
Bi eguneko bonuaren prezioa 72 eurokoa (+ gastuak) da, eta kanpalekuan tokia izan nahi dutenek bost euro gehiago ordaindu beharko dituzte. Besteak beste, jaialdiaren webgunean daude salgai txartelok. Martxoaren 9ko eguerditik aurrera, 79koa izango da bonuaren prezioa, eta eguneko sarrera 52 euroan (+ gastuak) erosi ahalko da.
Zure interesekoa izan daiteke
Lau artistak Ed Sheeranen bira utzi dute Macklemoreri elkartasuna adierazteko
Aaron Rowe, Beoga, Lukas Graham eta Finneas dira. Ed Sheeranek gertatutakoari buruz hitz egin du lehen aldiz, eta adierazi du raperoa baztertzea ez zela bere erabakia izan eta Palestinako gatazkan "bi aldeetan eragindako sufrimendu eta mina" gaitzesten duela.
Macklemore rap abeslaria Ed Sheeranen biratik kanporatu dute Palestinaren aldeko aldarriak egiteagatik
Rap kantariak salatu duenez, Robert Kraft diruduna, New England Patriots taldearen jabea, da errudunetako bat; izan ere, kontzertuak izan behar ziren estadioetako jabeen artean babesa lortzea leporatu dio, estadio horietan Macklemorek ez jotzeko presioa egin zezaten.
Erramun Martikorenak "Atzar Gaiten" diskoa aurkeztu du Baigorrin
"Atzar gaiten" bere azken albumeko abestiak kantatzen entzun dugu igande honetan Erramun Martikorena Baigorrin Osasun arazoak dituen arren, 83 urterekin pozik agertzen da beti taula gainean. Ia mende erdiz, Euskal Herri osoan ibili da, baita Estatu Batuetan ere. Garai batean 35 kantaldi eskaini ohi zituen urtero, baina orain askoz gutxiago. Horregatik publikoak ez du huts egiten bere emanaldietan.
Silvio Rodriguezek Bilbo liluratu du bere abestiekin
Silvio Rodriguez kubatar musikariak kontzertua eman du larunbat honetan Euskalduna Jauregian, Bilbon. Bere ibilbide musikalaren zati bat errepasatu du bertan bildutakoen aurrean.
Silvio Rodriguezek geldialdia egin du Bartzelonan, Euskal Herrirako bidean
Kubatarrak kontzertua egin du bart Liceun, irailaren 12 eta 13an Bilboko Euskaldunan aritu aurretik.
Zuzenean: Basking Beat & Bite
Basking Beat & Bite jaialdiaren edizio berri bat egingo da abuztuaren 29an, Miami, Santiago de Chile, Helsinki eta Tbilisin aldi berean eskainiko diren kontzertuekin. Euskal musikaren egungo lau proposamen bilduko ditu programazioak: Merina Gris, Mirua, Sua eta Idoia.
ETS taldeak hankaz gora jarri du Europa parkea, "Badator Marijaia" abesten
37.000 lagun inguru Arabako taldearen kontzertuan izan dira, eta aho batez abestu dituzte kanta guztiak. ETSk harrituta utzi ditu Europa parkera joandakoak, Aste Nagusiko Badator Marijaia jo dutelako.
Dolly Parton hil da, country musikaren izar ospetsua
Abeslari eta konpositore estatubatuarra 80 urte zituela hil da. Azken hilabeteetan gaixorik ibili zen eta kontzertu batzuk bertan behera utzi zituen.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
ETS taldeak dantzan jarriko du gaur Bilbo, Europa parkeko kontzertuen lehen gauean
Hitzordua 00:00etan da, Europa Parkean. Horrez gain, beste musika proposamen batzuk ere izango dira, besteak beste, Bilboko Udal Bandaren emanaldia, Serafin Zubirirekin batera, 23:30ean, Abandoibarran.